काठमाडौं । स्वावलम्बन लघुवित्तको चालु आर्थिक वर्षको तेस्रो त्रैमासमा नाफामा गिरावट आएको छ । कम्पनीको आज सार्वजनिक गरेको वित्तिय विवरण अनुसार गत वर्षको समिक्षा अवधिको तुलनामा यो वर्षको सोही अवधिमा खुद नाफामा ५२.७९५ ले गिरावट आएको हो । समिक्षा अवधिमा कम्पनीको खुद नाफा १४ करोड २९ लाख २८ हजार रुपैयाँमा सीमित भएको छ । जुन गत आर्थिक वर्षको समिक्षा अवधिमा यस्तो आर्जन ३० करोड २७ लाख ७२ हजार रुपैयाँ गरेको थियो ।

कम्पनीको सञ्चालन नाफामा पनि गिरावट आएको छ । गत वर्ष ४८ करोड ५ लाख ३३ हजार रुपैयाँ संचालन नाफा कमाएको यस संस्थाले यो वर्षको समिक्षा अवधिमा १ करोड ७४ लाख ४६ हजार रुपैयाँ सञ्चालन नोक्सानमा छ । यता, खराब कर्जा पनि १३.६८ प्रतिशतले बढेर १५.३८ प्रसिशत पुगेको छ ।

कम्पनीले सार्वजनिक गरेको वित्तिय विवरण अनुसार कम्पनीले चुक्ता पुँजी १५ करोडले बढाएको हो । गत आर्थिक वर्षको समिक्षा अवधि र चालु आर्थिक वर्षको दोस्रो त्रैमास अर्थात गत पुसको मसान्तमा ७९ करोड २३ लाख ९९ हजार चुक्ता पुजि रहेको यस कम्पनीले तेस्रो त्रैमासमा ९४ करोड ३० लाख पुर्याएको हो । संस्थाको हालको प्रतिसशेयर आम्दानी पनि ३० रुपैयाँ ७४ पैसाले घटेर २० रुपैयाँ २१ पैसामा सीमित भएको छ । प्रतिशेयर नेटवर्थ २३७ रुपैयाँ १३ पैसा छ ।

कर्पाेरेट बजार

प्रकाशित समय : ०४:४० बजे