एडीबीले नेपाललाई खोप खरिद गर्न १९ अर्व ८० करोड ऋण सहायता प्रदान गर्ने
वि.सं.२०७८ साउन ७ बिहीवार
काठमाडौं । एसियाली विकास बैंकले नेपाललाई कोभिड–१९ विरुद्धको खोप खरदका लागि १९ अर्ब ८० करोड रुपैयाँ ऋण प्रदान गर्ने भएको छ । कोभिड विरुद्धको १५.९ मिलियन डोज खोप खरिद गर्न पुग्ने गरि एडीबीले उक्त रकम दिन लागेको हो ।
यसबाट ६८ लाख नागरिकलाई प्रत्यक्ष फाईदा पुग्ने छ ।
‘एडीबीले दिने उक्त सहयोगले नेपालमा भाइरसको संक्रमण फैलिन र नागरिकलाई जोगाउन महत्वपूर्ण भूमिका खेल्नेछ’ बैंकका अध्यक्ष मासातसुगा आसाकावाले भनेका छन् ।
खोप चाँडै खरिद गरी चाँडोभन्दा चाँडो खोप लगाउन समेत एडीबीले नेपाल सरकारलाई आग्रह गरेको छ । अर्थतन्त्रलाई लयमा फर्काउन बैंकले सहयोग गरेको समेत एडीबीले जनाएको छ ।
एसिया प्रशान्त क्षेत्रमा खोपको पहुँचका लागि एडीबीले विनियोजन गरेको ९ बिलियन डलरमध्ये बाटै नेपालले उक्त ऋण सहयोग प्राप्त गर्न लागेको हो । नेपालसहितका मुलुकलाई सघाउन सन् २०२० मा बैंकले उक्त कोष खडा गरेको थियो ।
२०७८ साउन ७ गते प्रकाशित
प्रकाशित समय : १३:२५ बजे
