राधी विद्युत कम्पनीले नाफा ९.१८ प्रतिशतले बढ्यो, यस्ता छन् अन्य सूचकहरु
वि.सं.२०७८ वैशाख २७ सोमवार
२७ वैशाख, काठमाडौं । राधी विद्युत कम्पनीले चालु आर्थिक वर्षको तेस्रो त्रैमासमा ९ दशमलव १८ प्रतिशतले नाफा बढाएको छ । कम्पनीले चैत मसान्तसम्म ६ करोड ३९ लाख रुपैयाँ खुद नाफा कमाएको छ । जुन, गत आर्थिक वर्षको समिक्षामाकम्पनिले ५ करोड ८५ लाख रुपैयाँ नाफा कमाएको थियो ।
कम्पनिको नाफा बढेपनि बिजुली बिक्रीबाट हुने आम्दानी भने १२ करोड १६ लाख रुपैयाँबाट घटेर ११ करोड ४७ लाख रुपैयाँमा झरेको छ । कम्पनिको प्रतिसेयर आम्दानी १७ रुपैयाँ ६३ पैसा (वार्षिक) रहेको यसको प्रतिसेयर नेटवर्थ १५१ रुपैयाँ ८५ पैसा पुगेको छ ।
त्यसैगरी कम्पनिका अन्य स्रोतबाट गर्ने आम्दानी भने २ लाख ७२ हजार रुपैयाँबाट बढाएर २५ लाख ४७ हजार रुपैयाँ पुर्याएको छ ।कम्पनिको चुक्ता पुँजी ४७ करोड ३५ लाख रुपैयाँ पुगेको छ ।
प्रकाशित समय : ०४:४६ बजे
