काठमाडौं । सिटिजन्स बैंक इन्टरनेसनल लिमिटेडले साधारण बोलाएको छ । सभा कात्तिक १२ गते अमृतभोग कालिकास्थान काठमाडौंमा बिहान ९ बजे सुरु हुनेछ ।

सभामा बैंकले ४ प्रतिशत बोनस सेयर र ०.२१ प्रतिशत नगद गरी कुल ४.२१ प्रतिशत लाभांश वितरण गर्ने प्रस्ताव सभामा पेश गर्नेछ ।

साथै, बैंकले अन्य उपयुक्त बैंक तथा वित्तीय संस्थासँग मर्ज हुन तथा वैदेशिक रणनीतिक साझेदारीमा जान उपयुक्त देखेमा सो सम्बन्धी सम्पूर्ण कार्य गर्न र प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने विशेष प्रस्ताव पनि पारित गर्नेछ । बोनस सेयर बितरण पश्चात बैंकको चुक्ता पुँजी बृद्धि हुने भएकोले प्रबन्धपत्र तथा नियमावली संशोधन गर्ने प्रस्ताव गरिने छ ।

गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल गरी पारित गर्नेछ । चालु आर्थिक वर्षका लागि लेखापरीक्षकको नियुक्ती गर्ने एजेन्डा पनि छ।

लाभांश वितरण प्रयोजनका लागि बैंकले असोज २९ गते बुक क्लोज गर्ने भएको छ । तर, लगानीकर्ताले लाभांश हात पार्न दसै अघिनै सेयर खरिद गर्नु पर्ने हुन्छ । किनकि, असोज २४ देखि असोज २८ गतेसम्म सार्वजनिक विदा परेको छ । यसर्थ, असोज २३ गतेसम्म कायम सेयरधनीले मात्र सभामा भाग लिन सक्नेछन् ।