मन्दाकिनी हाइड्रोपावरले २५ प्रतिशत हकप्रद निष्काशन गर्ने, बिक्री प्रबन्धकमा ग्लोबल आइएमई क्यापिटल
वि.सं.२०८१ पुस १२ शुक्रवार
काठमाडौं । मन्दाकिनी हाइड्रोपावरले २५ प्रतिशत हकप्रद शेयर निष्काशन गर्ने भएको छ ।
कम्पनीले हकप्रद शेयर निष्काशन गर्नको ग्लोबल आइएमई क्यापिटललाई निष्काशन तथा बिक्री प्रबन्धक नियुक्त गरेको छ ।
हाइड्रोपावरको तर्फबाट सञ्चालक समितिका अध्यक्ष शरद कुमार दाहाल र ग्लोबल आइएमई क्यापिटलको तर्फबाट प्रमुख कार्यकारी अधिकृत मन्दिप लुइँटेलले सम्झौतापत्रमा हस्ताक्षर गरेका छन् ।
कम्पनीको २०८१ मंसिर ७ गते सम्पन्न भएको एघारौं वार्षिक साधारणसभाबाट पारित भएको चुक्तापूँजीको १२५ प्रतिशत हकप्रद शेयर निष्काशन गर्नको लागि उक्त सम्झौता सम्पन्न भएको हो ।
यस कम्पनीले प्रवर्द्धन गरेको सार्दीखोला जलविद्युत आयोजना कास्की जिल्लाको माछापुच्छ्रे गाउँपालिकामा रहेको छ । आयोजनाबाट २०७४ मंसिरदेखि ४ मेगावाट बराबर विद्युत उत्पादन भइरहेको छ ।।
प्रकाशित समय : १६:०९ बजे
