सुनको मूल्यमा वृद्धि चाँदीको मूल्य घट्यो
वि.सं.२०७८ भदौ १८ शुक्रवार
काठमाडौँ । साताको अन्तिम कारोबार दिन शुक्रबार आज सुनको मूल्यमा सामान्य वृद्धि भएको छ । नेपाल सुनचाँदी व्यवसायी महासंघका अनुसार आज सुनको भाउ तोलामा १०० रुपैयाँले बढेको हो। योसँगै प्रतितोला फाइन गोल्ड ९० हजार ९०० रुपैयाँ र तेजाबी गोल्ड ९० हजार ४०० रुपैयाँ कायम भएको छ।
हिजो बिहीबार सुनको भाउ तोलामा २०० रुपैयाँले घटेको थियो। यो दिन प्रतितोला फाइन गोल्ड ९० हजार ८०० रुपैयाँ र तेजाबी गोल्ड ९० हजार ३०० रुपैयाँमा झरेको थियो।
आज चाँदीको भाउ तोलामा १० रुपैयाँले घटेर १ हजार १९५ रुपैयाँ कायम भएको छ। हिजो तोलामा १० रुपैयाँ बढेर चाँदी १ हजार २०५ रुपैयाँमा कारोबार भएको थियो।
२०७८ भदौ १८ गते प्रकाशित
प्रकाशित समय : १४:५१ बजे
