काठमाडौँ । सोनापुर मिनरल्स एण्ड आयल लिमिटेडले आधा अर्ब भन्दा बढी विद्युत महसुल बुझाउन बाँकी रहेको खुलेको छ । सोनापुर मिनरल्स् एण्ड आयल लिमिटेडले प्राधिकरणलाई ५४ करोड रुपैयाँ बक्यौता बुझाउन बाँकी रहेको हो ।

औद्योगिक घरानाको रुपमा विस्तार हुँदै आएको तायल समूहको यो कम्पनीले २०७४–०७५ देखि बक्यौता नतिरेको प्राधिकरणले जनाएको छ ।

दाङ जिल्लामा अवस्थित यस कम्पनी पश्चिम नेपालकै सबैभन्दा ठूलो सिमेन्ट उत्पादक कम्पनी हो । कम्पनीले सोना सिमेन्ट, सोना टेक सिमेन्ट, सोनाली सिमेन्ट, सोना चाँदी सिमेन्ट, सोनापुर सिमेन्ट र सोनाश्री सिमेन्ट उत्पादन गर्दै आएको छ ।

२०७८ भदौ १५ गते प्रकाशित