back

सिमरामा सार्वजनिक जग्गा कब्जा गर्न माफिया सक्रिय, पैसाका लागि पैनीलाई पुरेर निजि जग्गामा घुमाए

बारा । बाराको जितपुरसिमरा उपमहानगरपालिका वडा नम्बर ४ औराहामा रहेको स्थानीय पैनीलाई पुरेर निजि जग्गामा घुमाइएको पाएको छ ।
केही स्थानीय जग्गा कारोबारीहरुले विगत लामो समय देखि बग्दै गरेको पैनीलाई पुरेर निजी जग्गामा घुमाएको पाएको हो । विगत पाँच बर्ष अगाडि जग्गा कारोबारीहरुले पैनीलाई पुरेर नजिक नै रहेको सेन्ट अलफान्स विद्यालयलाई बिक्री वितरण गरेका थिए ।
साविक पिपरा सिमरा गाविस वडा नम्बर ४ मा पर्ने उक्त जग्गा स्थानीय तह गठन भए देखि उपमहानगरपालिकामा समाहित भए पछि कारोबारीहरुको मिलोमतोमा करिब दुई विगाहा पैनीको जग्गालाई पुरेर निजी जग्गा बनाउँदै महंगोमा विद्यालयलाई बिक्री वितरण गरेका छन ।
आर्थिक प्रलोभनका कारण कारोबारीहरूले बगीरहेको पैनी पुरेर निजि जग्गामा घुमाएको स्थानीय सुनिल साह कलवारले बताए । उनका अनुसार केही बर्ष अगाडि देखि नै जग्गा कारोबारीहरु पैनीलाइ पुर्नलाई सक्रिय भएर पैनीलाइ पुरेर निजि जग्गामा पुर्याएका छन ।

पैनी बारे बुझन् न्यायीक समितिमा निवेदन

लामो समय देखि बग्दै गरेको पैनीलाई पुरेर निजि जग्गामा घुमाए पछी जितपुर सिमरा उपमहानगरपालिकाको न्यायीक समितिमा उजुरी परेको छ । स्थानीय साहले गएको भदौ २ गते न्यायीक समितिमा निजि जग्गामा पैनी घुमाएकाले यस बिषयमा छानबिन गर्न निवेदन दर्ता गराएका हुन् । उक्त जग्गा र विद्यालयको बीचमा विगतमा पैनी बग्ने गरेको थियो ।

अहिले दक्षिण तर्फ बग्ने पैनीलाइ पुर्व तर्फ घुमाएर बिद्यालयको संरचना बनाइएको छ । उक्त स्थानबाट करिब ३०० मिटर पुर्व सम्म निजि जग्गामा पैनीको बहाव बनाइएको छ ।

हाल पैनी पुरेर बिद्यालयको भौतिक संरचना निर्माण गरिएको छ । स्थानीय सागर कार्कीका अनुसार जग्गा कारोबारीले पहिलोपटक २०७३ सालमा एक्स्काभेटरले माटो काटी पैनीको दक्षिण तर्फको बहाव बन्द गरेका थिए । उक्त कार्यको स्थानीयले विरोध जनाएका थिए । स्थानीयले पैनीको पुरानै बहाव कायम गर्न माग गरेका थिए । तर जग्गा कारोबारीहरुले मनोमानी तरिकाले पुनः पैनीको बहाव परिवर्तन गरिदिएका हुन् । जग्गा कारोबारीले पैनीको बहाव पटक पटक परिवर्तन गरेपछि उपमहानगरपालिका मौन बसेको छ ।’ बहाव परिवर्तन गरिँदा वरिपरीका पैनीलाई पुरिएर बिद्यालयको भौतिक संरचना निर्माण भएसंगे केहि ब्यक्तिलाई लगायतलाई फाईदा पुग्ने मनसायले काम गरीएको छ ।

५ किता निजि जग्गा पुरियो

जग्गा कारोबारीहरुले नजिक मै रहेको विभिन्न निजि जग्गाको किताहरुमा पैनी घुमाएको साहले बताए । कारोबारीहरुले पैनीलाई पुरेर सेन्ट अल्फान्स विद्यालयलाई महंगो रकममा बेचेका छन । स्थानीयका अनुसार कारोबारीहरुले निजि जग्गामा पैनी घुमाएर करौडौ रकम हात पारेका छन । स्थानीयले पैनी कब्जाको विरोध गर्दा स्थानीय निकायले वास्ता नगरेको उनीहरुको आरोप छ । यता जितपुरसिमरा उपमहानगरपालिकाका नगरप्रमुख कृष्ण प्रसाद पौडेलले जग्गा कारोबारीहरुले निजि जग्गामा पैनी घुमाएको बिषयमा जानकारी नभएको बताए ।

उनले पैनीको र निजि जग्गाकै बिषयमा वडाअध्यक्ष संग बुझ्नलाई सल्लाह दिए । यसबिषयमा वडा अध्यक्ष भोजबहादुर खत्रिले आफुहरु स्थानीयतहमा निर्वाचित हुनु अगाडी नै केहि जग्गा कारोबारीहरुले पैनी कब्जा गरेको बताए । वडाको सार्वजनिक जग्गा कब्जा गर्नलाई कुनैपनि हालतमा नछाड्ने र यस्ता कार्यमा लाग्ने विरुद्ध कानुनी उपचार खोज्ने बताए ।

पालिका वा वडा भित्रका कुनैपनि सार्वजनिक जग्गालाई कब्जा गर्न मिल्दैन , कब्जा गर्न विरुद्ध आफुहरु उभिने बताए ।
निजि जग्गा कब्जा भएको बिषयमा न्यायीक समितिमा उजुरी परेकाले यस बिषयमा जानकारी आएको वडाअध्यक्ष खत्रिले बताए । उनले न्यायीक समितिबाट अहिले वडा कार्यालयमा आएको पत्रको जवाफ पठाउन थालिएको उनले बताए ।

२०७८ भदौ १३ गते प्रकाशित


प्रधानमन्त्री दाहाललाई चौथो पटक विस्वासको मत प्राप्त

प्रधानमन्त्री दाहाललाई चौथो पटक विस्वासको मत प्राप्त

वि.सं.२०८१ जेठ ७ सोमवार १३:२०

काठमाडौं । प्रधानमन्त्री पुष्पकमल दाहाल ‘प्रचण्ड’ ले प्रतिनिधिसभाबाट चौथो पटक...

सुनसरी औराबनीका २० घरपरिवार भूमिहिनलाई भवन निर्माण गरी हस्तान्तरण

सुनसरी औराबनीका २० घरपरिवार भूमिहिनलाई भवन निर्माण गरी हस्तान्तरण

वि.सं.२०८१ जेठ ५ शनिवार १०:३२

सुनसरी। सुनसरीको गढी गाउँपालिका वडा नम्बर २ झोराटोल औराबनीस्थित विपन्न...

इप्पानले स्थापना गर्यो, नीति अनुसन्धान र भवन निर्माण कोष

इप्पानले स्थापना गर्यो, नीति अनुसन्धान र भवन निर्माण कोष

वि.सं.२०८१ जेठ ४ शुक्रवार २३:१२

काठमाडौं । स्वतन्त्र ऊर्जा उत्पादकहरुको संस्था, नेपाल (इप्पान) ले नीति...

खर्च कम गर्नका साथै वातावरण बचाउन विद्युतीय सवारीसाधनको प्रयोग बढाउनु आवश्यकः मन्त्री बस्नेत

खर्च कम गर्नका साथै वातावरण बचाउन विद्युतीय सवारीसाधनको प्रयोग बढाउनु आवश्यकः मन्त्री बस्नेत

वि.सं.२०८१ जेठ ४ शुक्रवार २२:५३

काठमाडौं । ऊर्जा, जलस्रोत तथा सिंचाईमन्त्री शक्तिबहादुर बस्नेतले पछिल्लो समय...

ऋण लिएर तिर्दैन भन्न मिल्दैन, केही व्यक्तिहरूले गलत अभियान चलाइरहेका छन्: मन्त्री चौधरी

ऋण लिएर तिर्दैन भन्न मिल्दैन, केही व्यक्तिहरूले गलत अभियान चलाइरहेका छन्: मन्त्री चौधरी

वि.सं.२०८१ जेठ ४ शुक्रवार १३:४२

इटहरी । महिला, बालबालिका तथा ज्येष्ठ नागरिक मन्त्री भगबती चौधरीले...

सरकारले बजेटमार्फत् विकासमा निजी क्षेत्रलाई सँगसँगै लैजाने

सरकारले बजेटमार्फत् विकासमा निजी क्षेत्रलाई सँगसँगै लैजाने

वि.सं.२०८१ जेठ ३ बिहीवार १८:२४

काठमाडौं । सरकारले विकास र समृद्धिमा निजी क्षेत्रलाई सँगसँगै लैजानेगरी...