काठमाडौ। विद्यार्थीलाई कोरोनाविरूद्ध खोप लगाएर मात्रै परीक्षा लिन माग गर्दै विद्यार्थीहरुले काठमाडौंको पद्मकन्या क्याम्पसमा प्रदर्शन गरेका छन्।

परीक्षा दिन गएका विद्यार्थीले आज (मंगलबार) बिहान क्याम्पसको गेटबाहिर प्रदर्शन गरेका हुन्। उनीहरूले केहीबेर गेटबाहिर सडकमा धर्ना पनि दिएका थिए भने प्रदर्शनमा उत्रिएका विद्यार्थीहरू र प्रहरीबीच झडपहुने सन्केत थाहापाउने वित्तिकै ७ जना प्रदर्शनकारीलाई प्रहरीले नियन्त्रणमा लिएको छ।

आज बिबिए, बिआइएमलगायत स्नातक तहका छैटौं सेमेस्टरका विद्यार्थीको परीक्षा छ। परीक्षा मध्यान्ह १२ बजेदेखि सुरु हुँदैछ। उनीहरूले ‘नो भ्याक्सिन नो एक्जाम’ भन्दै प्रदर्शन गरेका छन्। प्रहरीले प्रदर्शन गरेकाहरूलाई हटाएको छ।

विद्यार्थीले भौतिक उपस्थितिमा परीक्षा गर्दा कोरोना सर्ने जोखिम भएकोले परीक्षा सार्न माग गरिरहेका छन्। तर त्रिविले भदौ ५ सम्मका परीक्षा नसर्ने बताएको छ।

२०७८ साउन २६ गते प्रकाशित