काठमाडौं । अर्थ मन्त्रालयले सर्वोत्तम सिमेन्टको ओटीसी कारोबारमा सेयर कारोबारको सम्पूर्ण विवरण पठाउन निर्देशन दिएको छ । मन्त्रालयले सर्वाेत्तमको सेयर प्रकरणमा मुछिएका नेप्सेका सीईओ साउदलाई बिहीबार सर्वोत्तम सिमेन्टको ओटिसी कारोबारमा सेयर कारोबारको सम्पूर्ण विवरण पठाउन निर्देशन दिएको हो ।

सर्वोत्तम सिमेन्ट उद्योगको नेप्सेमा ओटिसी कारोबारका सम्वन्धमा कम्पनीले ओटिसी कारोबारका लागी निवेदन पेश गरेको हो, सो सम्वन्धमा स्वीकृति प्रदान गरिएको र शेयर कारोबारको विवरण ३ दिनभित्र महाशाखामा उपलब्ध गराउन निर्देशन दिइएको हो ।

धितोपत्र बोर्डका अध्यक्ष भीष्मराज ढुंगाना र नेप्सेका सीइओ चन्द्र सिंह साउले परिवारको नाममका सर्वोत्तम सिमेन्टको शेयर किनेको प्रमाण भेटिएपछि अर्थमन्त्रालयले पनि चासो देखाएको हो ।

२०७८ साउन २२ गते प्रकाशित