काठमाडौ । साताको कारोबारको पहिलो दिन सेयर बजारमा उत्साह छाएको छ । आज नेप्से परिसूचक ५४.३१ अंकले बढ्दै ३०५८.६४ विन्दुमा पुगेको हो ।

त्यस्तै आज कारोबार रकममा पनि उत्साह देखिएको छ यो दिन १४ अर्बमाथिको कारोबार भएको छ ।

यो दिन २२३ कम्पनीको ४ करोड ४१ लाख १४ हजार ७६० कित्ता सेयर किनबेचमा १४ अर्ब ३० करोड २३ लाख ६५ हजार १४८ रूपैयाँ बराबरको कारोबार भएको हो । आज सेयर बजारलाई बैंकिङ समूहले लिड गरेको देखिन्छ । यो दिन बैंकिङ समूह ३.४३ प्रतिशतले वृद्ध भएको हो ।

यसैगरी, हाइड्रोपावर कम्पनी पनि २.३९ प्रतिशतले बढेको छ । आज होटल एण्ड टुरिजम् र म्यूचल फण्डबाहेक सबै समूहका उपसूचकहरूमा हरियाली छयो ।

आज नेपाल बैंक, ग्लोवल आईएमई, एनसीसी, एनआईसी एसियालगायत बैंकको सेयर कारोबार बढी भयो । आज नेपाल बैंकको ४९ करोड सेयर कारोबार भयो । ९ वटा कम्पनीको सेयर मूल्यमा सकारात्मक सर्किट लागेको छ ।

२०७८ साउन १० गते प्रकाशित