काठमाडौँ । नेपाल आयल निगमले पेट्रोलियम पदार्थको मूल्य बढाएको छ । निगमले आज मंगलबार रातिबाट लागू हुने गरी पेट्रोलियम पदार्थ (डिजेल, मट्टीतेल, पेट्रोल, खान पकाउने ग्यास र हवाई ईन्धन)को मूल्य बढाएको हो ।

निगमका अनुसार डिजेल, पेट्रोल र मट्टीतेलको मूल्यमा २ रुपैयाँ वृद्धि भएको छ । मूल्य वृद्धिसँगै डिजेल र मट्टीतेल प्रतिलिटर ११२ रुपैयाँ, पेट्रोल १२९ रुपैयाँ कायम भएको छ । यस्तै आन्तरिक तर्फको हवाई ईन्धनको मूल्य प्रतिलिटर २ रुपैयाँले बढेर प्रति लिटर ८४ रुपैयाँ पुगेको छ ।

अन्तर्राष्ट्रिय तर्फको उडानको हवाई ईन्धनको मूल्य प्रतिकिलोलिटर १९ अमिरिकी डलर बढेर प्रति किलोलिटर ७५४ डलर कायम भएको छ । खाना पकाउने ग्यासको मूल्य प्रति सिलिण्डर २५ रुपैयाँले बढेर प्रति सिलिण्डर १४२५ रुपैयाँ कायम भएको छ । यस डिजेल र मट्टीतेल १०९ रुपैयाँ, पेट्रोल १२५ रुपैयाँ रहेको थियो । यसघी खाना पकाउने ग्यासको मूल्य १४ सय रुपैयाँ र हवाई इन्धनको मूल्य ८२ रुपैयाँ थियो ।

निगमले मूल्य बढाएपछि पनि डिजेल, पेट्रोल, मट्टीतेल र खाना पकाउने ग्यासमा घाटा नै रहेको जनाएको छ । निगमले यस अघि असार ९ गते पेट्रोलियम पदार्थको मूल्य बढाएको थियो ।

२०७८ असार २३ गते प्रकाशित