काठमाडौँ । काठमाडौँ उपत्यकामा जारि निषेधाज्ञा थप खुकुलो गरेर अझै एकसाता निरन्तरता दिने निर्णय भएको छ । सोही निर्णय अनुसार उपत्यकामा अब सबै खाले सवारीसाधन चल्ने भएका हुन् । काठकाडौँ उपत्यकाका तीनै जिल्लाका सिडीयोहरुहरुको आज बसेको बैठकले यस्तो निर्णय गरेको हो।

आज बसेको उपत्यकाका काठमाडौं, ललितपुर र भक्तपुरका सीडीओको संयुक्त बैठकले हाल कायम जोरबिजोर प्रणाली खारेज गरेसंगै अबदेखि सबै खाले सवारी चल्न पाउने भएका हुन्।

काठमाडौंका प्रमुख जिल्ला अधिकारी कालीप्रसाद रिजालले जारी गरेको आदेशमा मापदण्ड पालना गरेर साना तथा ठूला सबै सार्वजनिक सवारी सन्चालनको अनुमति दिइएको जानकारी दिएका छन्।

यसअघि २५ सिट क्षमताका सवारीसाधन मात्र अनुमति दिइएकोमा त्यसलाई खारेज गरेर अबदेखि माइक्रो, टेम्पो लगायत सबै प्रकारका सवारी साधनलाई खुला गरिएको हो।

कोरोनाको दोस्रो भेरिएन्टका कारण विगत दुई महिनादेखि काठमान्डू उपत्यकामा निषेधाज्ञा गरिएको थियो। जारि निषेधाज्ञा सोमबार रातिसम्म कायम छ।

२०७८ असार २० गते प्रकाशित