काठमाडौँ । आज नेपाल स्टक एक्सचेन्ज (नेप्से) परिसूचकमा सामान्य अंकको करेक्सन आएको छ । साताको पहिलो दिन आइतबार नेप्से परिसूचक ८.४८ अंकले घटेर २८३४.५२ अंकमा कायम भएको हो ।

यो दिन दिनभरिमा २२४ कम्पनीको १ करोड ८ लाख ४२ हजार कित्ता ६० हजार पटक ५ अर्ब ५ करोड ३५ लाख ३८ हजार रुपैयाँको कारोबार भएको छ ।

२ महिनाभन्दा लामो निषेधाज्ञा सरकारले विस्तारै खुकुलो गर्दै जाँदा लगानीकर्ताले अन्य क्षेत्रमा लगानी गर्दा नेप्सेमा यसको प्रत्यक्ष प्रभाव परेको हो । निरन्तर नयाँ उचाईमा पुगेको नेप्सेमा धितोपत्र बोर्डले जोखिमयुक्त ५१ कम्पनी सार्वजनिक गरेपछि यसको पनि असर देखिएको हो ।

आइतबार नेप्सेमा ३ समूहको मात्रै हरियो छ भने अन्य सबै समूहमा राताम्य छाएको छ ।

२०७८ असार २० गते प्रकाशित