काठमाडौँ । मनकामना स्मार्ट लघुवित्तको करिब ४ लाखको आइपीओ आजबाट बिक्रि खुला भएको छ । कम्पनीले ३ करोड ८९ लाख बराबरको ३ लाख ८९ हजार कित्ता शेयर आजबाट बिक्रि खुला गरेको हो ।

जसमध्ये ६ हजार ५८ कित्ता कम्पनीका कर्मचारीलाई र १९ हजार ४ सय ५० कित्ता शेयर सामुहिक लगानी कोषलाई छुट्याईएको छ भने बाँकि रहेको ३ लाख ६३ हजार ४ सय ९२ कित्ता सर्वसाधारणको लागि छुट्याईएको छ । आवेदन दिंदा न्युनतम १० कित्ता र अधिकतम १००० कित्ताको लागि आवेदन दिन सकिने कम्पनीले जनाएको छ ।

शेयर कम्पनीको बिक्रि प्रबन्धक एनएमबि क्यापिटल रहेको छ । कम्पनीको आईपिओमा असार २१ गतेसम्म आवेदन दिन सकिने छ ।

कम्पनीलाई आइपीओ निष्काशनका लागि नेपाल धितोपत्र बोर्डले असार ६ गते आइतवार अनुमति दिएको थियो । कम्पनीले फागुन १४ मा शेयर निष्काशन अनुमति माग गर्दै नेपाल धितोपत्र बोर्डमा आवेदन दिएको हो ।

मनकामना स्मार्ट लघुवित्तले डबल बि माइनसको इस्युअर रेटिङ पाएको छ । इक्रा नेपालले कम्पनीलाई डबल बि माइनसको इस्युअर रेटिङ प्रदान गरेको हो । यसले पनि मध्यम जोखिम जनाउछ ।

२०७८ असार १७ गते प्रकाशित