काठमाडौँ । सिद्धार्थ इन्स्योरेन्सले सामाजिक सञ्जालमा चर्को विरोध पछि जव भ्याकेन्सीमा उल्लेख गरेको योग्यता सच्याएको छ । कम्पनीले केहि दिन अगाडि ब्रान्च इन्चार्जका लागि कर्मचारी आह्वान गर्दा शैक्षिक योग्यताको लागि कलेज नै उल्लेख गरेपछि विरोध भएको थियो । बिरोध पछि कम्पनीले अहिले जुनुकै कलेज भढेको भएपनि हुने जनाएको हो । यसअघि शैक्षिक योग्यता एस वा एपेक्स कलेजमा अध्ययन गरेको हुनु पर्ने भनेर उल्लेख गरेको थियो ।
विज्ञापन सच्याउदै कम्पनीले सबैलाई समान अवसर प्रदान गर्ने जनाएको छ । योग्यता र क्षमताका आधारमा सबैलाई समान अवसर प्रदान गर्ने भन्दै पहिलाको विज्ञापन सच्याइएको कम्पनीले उल्लेख गरेको छ ।

कम्पनीले ब्रान्च इन्चार्चका लागि कर्मचारीको माग गरेको छ । उपत्यका बाहिरका लागि भोजपुर, तुलसीपुर, घोराही दाङ, लामही दाङ र काठमाडौं भित्रका लागि कीर्तिपुर, नक्साल र कालिमाटीमा कर्मचारीको माग गरिएको छ । अव जुनसुकै कलेजबाट एमबिए गरेकाले उक्त पदका लागि आवेदन दिन सक्ने कम्पनीले जनाएको छ ।

२०७८ असार १५ गते प्रकाशित

कर्पाेरेट बजार

प्रकाशित समय : ०५:४१ बजे