काठमाडौँ । आज शुक्रबार तीन बीमा कम्पनीले साधारणसभा आह्वान गरेका छन् । सिद्धार्थ इन्स्योरेन्स, लुम्बिनी जनरल इन्स्योरेन्स र हिमालयन जनरल इन्स्योरेन्स कम्पनी लिमिटेडले आज सभा आह्वान गरेका हुन् ।

सभाबाट बीमा कम्पनीहरुले साधारण सभाबाट गत आवको नाफाबाट सञ्चालक समितिले प्रस्ताव गरेको लाभांश अनुमोदन गर्दैछन् । सिद्धार्थ इन्स्योरेन्सले १२ प्रतिशत बोनस र ३.७९ प्रतिशत नगद लाभांश गरी १५.७९ प्रतिशत, लुम्बिनी जनरलले ५ प्रतिशत बोनस र ५ प्रतिशत नगद गरी कूल १० प्रतिशत र हिमालयन जनरल इन्स्योरेन्सले ३ प्रतिशत बोनस र ३.७५ प्रतिशत नगद लाभांश गरी ६.७५ प्रतिशत लाभांश अनुमोदन गर्दैछन् ।

साधारण सभा तथा लाभांश वितरण प्रयोजनको लागि सिद्धार्थ र लुम्बिनी जनरल इन्स्योरेन्सले जेठ १४ गते र जेठ १३ गतेदेखि शेयर दाखिला खारेजी (बुकक्लोज) गरेका थिए । यसअनुसार बुकक्लोजको अघिल्लो कारोबार दिनसम्म नेप्सेमा शेयर कारोबार भई कायम रहेका शेयरधनीहरुले मात्र लाभांश प्राप्त गर्न र साधारण सभामा सहभागी हुन पाउनेछन् ।

सिद्धार्थ इन्स्योरेन्सले बबरमहलस्थित सिद्धार्थ इन्स्योरेन्स भवनमा बिहान ११ बजे १९ औं, लुम्बिनी जनरले केन्द्रीय कार्यालय ज्ञानेश्वरमा अपरान्न ४ बजे १६ औं वार्षिक साधारण सभा, र हिमालयन जनरलले केन्द्रीय कार्यालय, थापागाउँ, काठमाडौंमा बिहान ११ बजे २७ औं वार्षिक साधारण सभा भर्चुअल माध्यमबाट सभा बोलाएका छन् ।

तीनवटै कम्पनीको आज सम्पन्न हुने सभाले सञ्चालक समितिको वार्षिक प्रतिवेदन, लेखापरीक्षकको प्रतिवेदनसहित नाफा नोक्सान हिंसाब, नगद प्रवाह विवरण र नाफा नोक्सान हिसाब, नगद प्रवाह विवरणमाथि छलफल गरी पारित हुनेछ ।

त्यसैगरी, सभामा सञ्चालक समितिको वार्षिक प्रतिवेदन, लेखापरीक्षण प्रतिवेदन सहित वासलात , नाफा नोक्सान हिसाब तथा सोहि अवधिको नगद प्रवाह विवरणमाथि छलफल गरी अनुमोदन गर्नुका साथै लेखपरिक्षकको नियुक्ति गरी निजको पारिश्रमिक निर्धारण गरिने एजेण्डा पनि सभामा रहेका छन् ।

त्यस्तै, आर्थिक वर्ष २०७७/७८ को लेखापरीक्षणको लागि लेखापरीक्षकको नियुक्ति गरी र निजको पारिश्रमिक निर्धारण गर्ने लगायतका प्रस्तावहरु रहेका छन् ।

२०७८ जेठ २८ गते प्रकाशित