काठमाडौँ । सिटीजन लाइफ इन्स्योरेन्स कम्पनी लि. को टीकापुर शाखाबाट दाबी गरेको दुई दिनमै दाबी भुक्तानी गरेको छ । बीमित श्रीमति शोभा कु. बम को कोरोनाको कारण मृत्यु भएपश्चात बीमितका अभिकर्ताले दाबी गरेको दुई दिनमै इन्स्योरेन्सले दाबी भुक्तानी गरेको हो ।

टीकापुर नगरपालिका वडा नम्बर १ ब्लक नम्बर ९ बस्ने शोभा कुमारी बम(खत्री) को जेठ १७ गते राति टीकापुर अस्पतालमा उपचारकै क्रममा मृत्यु भएको थियो । उनको मृत्यु भएपछि उनका श्रीमान ध्रुब राज खत्रीलाई इन्स्योरेन्सले लाभ रकम १० लाख, बौनस रकम ३५ हजार तथा काजकृया खर्च बापत ५० हजार गरि जम्मा १० लाख ८५ हजारको रकम भुक्तानी गरेको हो ।

बिमितका अभिकर्ताले अनलाईन बाटै दावी प्रकृया अगाडि बढाएका थिए। कम्पनीको वेबसाइटमा रहेको अभिकर्ता पोर्टल लग इन गरि आवश्यक कागजातहरु स्क्यान गरि अप्लोड गरेपछि आवश्यक विवरणहरु भरेको दुई दिनमै बीमामा उल्लेख भए अनुसारको लाभ दाबीकर्तालाई दिइएको हो ।

जीवन विमाको दाबी फर्चौट भरपाइमा हस्ताक्षर गराउन कम्पनीका क्षेत्रीय शाखा प्रबन्धक केशव राज गिरि बिमितको घर सम्म पुगि भुक्तानी बापतको रकम बैकं खातामा अनलाइन मार्फत जम्मा गरिएको जानकारी गराउनु गराएका हुन् ।

२०७८ जेठ २७ गते प्रकाशित