जसपा सरकारमा जाँदै, उपप्रधानमन्त्रीमा महतो
वि.सं.२०७८ जेठ २१ शुक्रवार
काठमाडौँ । जनता समाजवादी पार्टीको महन्थ ठाकुर नेतृत्वको समूह आजै सरकारमा जान लागेको छ । वरिष्ठ नेता राजेन्द्र महतोको नेतृत्वमा जसपाका १० जना नेता मन्त्रिपरिषद्मा सहभागी हुन लागेका हुन् ।
महतोले उपप्रधानसहित शहरी विकास मन्त्रालयको नेतृत्व बहन गर्ने छन् । जसपा नेता केशव झाका अनुसार जसपाबाट शरतसिंह भण्डारीले ऊर्जा, अनिल झाले खानेपानी, विमल श्रीवास्तवले श्रम तथा रोजगार, उमाशंकर अरगरियाले वन, लक्ष्मणलाल कर्णले भूमिसुधार, चन्दा चौधरीले महिला र एकवाल मियाँले युवा तथा खेलकुद मन्त्रालय सम्हाल्नेछन् ।
जसपा नेता चन्द्रकान्त चौधरीले ऊर्जा राज्यमन्त्री र रेणुका गुरुङले महिला तथा बालबालिका राज्यमन्त्रीको जिम्मेवारी पाउनेछन् ।
२०७८ जेठ २१ गते प्रकाशित
प्रकाशित समय : १२:२९ बजे
