शिखर इन्स्योरेन्सको बोनस सेयर सेयरधनीको खातामा
वि.सं.२०७८ जेठ १६ आइतवार
काठमाडौँ । शिखर इन्स्योरेन्स कम्पनी लिमिटेडको पारित गरेको बोनस सेयर सेयरधनीको हितग्राही खातामा जम्मा भएको छ । कम्पनीले एक सूचना जारि गर्दै कम्पनीको गत चैत ९ गते सम्पन्न १५औं र १६औं साधारण सभाबाट पारित २७.७७ प्रतिशत बोनस सेयर सेयरधनीको हितग्राही खातामा जम्मा गरिएको जानकारी गराएको हो ।
कम्पनीले फागुन २५ गतेसम्म सेयर अभौतिकीकरण गराएका सेयरधनीको हितग्राही खातामा उक्त बोनस सेयर जम्मा गरिदिएको हो ।
उक्त मिति पश्चात अभौतिकीकरण गराएका सेयरधनीको हकमा पनि क्रमशः सम्बन्धित सेयरधनीको हितग्राही खातामा सेयर जम्मा गरिने भएकाले सेयर अभौतिकीकरण गराउन कम्पनीले अनुरोध गरेको छ । कम्पनीको सेयर रजिष्ट्रारमा एनआईबिएल एस क्यापिटल लिमिटेड रहेको छ ।
२०७८ जेठ १६ गते प्रकाशित
प्रकाशित समय : ०८:१६ बजे
