काठमाडौँ । बेलायत सरकारले नेपाललाई कोभिड संक्रमण विरुद्धको लडाइमा सहयोग स्वरुप पठाएको स्वास्थ्य सामग्री काठमाडौं आइपुगेको छ । बेलायतबाट आएको २६० थान भेन्टिलेटर, १९ हजार २ सय थान फेससिल्ड सहितका स्वास्थ्य सामग्री चार्टर्ड उडानबाट शुक्रबार काठमाडौं ल्याईएको हो ।
त्रिभुवन अन्तराष्ट्रिय विमानस्थलमा नेपालका लागि बेलायती राजदूत निकोला पोलिटले स्वास्थ्यमन्त्री हृदयश त्रिपाठीलाई हस्तान्तरण गरेकी छिन् । परराष्ट्र मन्त्रालयले जारी गरेको प्रेस विज्ञप्तिमा उल्लेख भए अनुसार उक्त उडानबाट च्यारिटी संस्था नेपाल मेड युकेले प्रदान गरेको अक्सिजन कन्सन्ट्रेटर पनि ल्याइएको छ ।

२०७८ जेठ १४ गते प्रकाशित

कर्पाेरेट बजार

प्रकाशित समय : ०५:०० बजे