काठामाडौँ । नेपालगन्जमा तीन दिनको अन्तरालमा तीन भाईको ज्यान गएको छ । जिल्लाको उपमहानगरपालिका ३ सदरलाइन (सुनार मण्डी) का सहोदर तीनभाइलाई कोरोनाले ज्यान लिएको हो । मुस्लिम समुदायमा एक महिने इदुल फित्र (इद)को पवित्र रोजा चलिरहेको बेला ४८ वर्षका इम्तियाज अमहद, राइलो ४६ वर्षका एजाज अहमद र ४१ वर्षका कान्छो जहिर अहमदले ३६ घण्टाको अन्तरमा भेरी अस्पताल नेपालगन्जमा उपचारको क्रममा ज्यान गुमाएका छन् ।

उनीहरु स्व.नजिर अहमद हल्वाई र फातिमा बानुका ७ भाइ छोरामध्ये क्रमशः काइलो, राइलो र कान्छो छोरा हुन् ।

उपचारकै क्रममा २२ वैशाखमा कान्छा जहिरको निधन भयो। अर्को दिन २३ वैशाखमा एजाजले ज्यान गुमाए। २४ वैशाखमा इम्तियाजले पनि संसार छोडे। ३ भाइको निधनको शोकमा ५५ वर्षीया दिदी नूर अपसाको पनि घटनाको केही दिनमै मृत्यु छ ।

उनीहरुलाई अन्य कुनै रोग नभएको र हट्टा कट्टा नै भएको पारीबारिक स्रोतले जनाएको छ । जहिर क्रिकेटका राष्ट्रिय खेलाडी थिए। एजाज अदालती अभ्यासमा नभए पनि अधिवक्ता थिए। इम्तियाजको लन्ड्री पसल छ।

२०७८ जेठ ६ गते प्रकाशित