सुनको मूल्यमा लगातार वृद्धि, कतिमा हुँदैछ कारोबार ?
वि.सं.२०७८ कात्तिक ११ बिहीवार
काठमाडौँ । बिहीबार नेपाली बजारमा सुनको मूल्य बढेको छ । आज सुन तोलामा ४ सय रुपैयाँले बढेको हो । यो सँगै आज छापावाला सुन प्रतितोला ९२ हजार ४ सय र तेजावि सुन ९१ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यसैगरी आज चाँदीको मुल्य भने स्थिर रहेको छ । चाँदी बुधबारकै मुल्य १ हजार २ सय ५० रुपैयाँमा कारोबार भइरहेको छ ।
हिजो बुधबार छापावाला सुन प्रतितोला ९२ हजार रुपैयाँ, तेजावी सुन ९१ हजार ५०० रुपैयाँमा कारोबार भएको थियो ।
२०७८ कार्तिक ११ गते प्रकाशित
प्रकाशित समय : १३:४५ बजे
