काठमाडौँ। साधना लघुवित्त वित्तीय संस्था लिमिटले चालु आर्थिक वर्षको पहिलो त्रैमासको अपरिष्कृत वित्तीय विवरण सार्वजनीक गरेको छ । सार्वजनकि विवरा अनुसार समिक्षा अवधिमा संस्थाको मुनाफा उल्लेख्य रहेको छ । संस्थाको नाफा गत आर्थिक वर्षको यही अवधिको तुलनामा ८८.३९ प्रतिशतले बढेको छ। गत वर्ष यही अवधिमा १ करोड ७४ लाख रुपैयाँ नाफा आर्जन गरेकोमा समीक्षा अवधिमा बढेर ३ करोड २९ करोड रुपैयाँ पुगेको छ।

यो अवधिमा संस्थाको सञ्चालन मुनाफा ५८९.१९ प्रतिशतले बढेर ४ करोड ९३ लाख रुपैयाँ पुगेको छ। गत वर्ष यही अवधिमा संस्थाको सञ्चालन मुनाफा ७१ लाख ५८ हजार रुपैयाँमा सीमित थियो।

संस्थाको खुद ब्याज आम्दानी पनि १३०.७२ प्रतिशतले उकालो लागेको छ। गत वर्ष यही अवधिमा ३ करोड १२ लाख रुपैयाँ रहेको यस्तो आम्दानी समीक्षा अवधिमा बढेर ७ करोड २१ लाख रुपैयाँ भएको छ। यसको संस्थाको व्यावसायिक विस्तार आक्रामक देखाउँछ।

संस्थाले २ अर्ब ८८ करोड रुपैयाँ सापटी लिएर ३ अर्ब ८५ करोड रुपैयाँ कर्जा परिचालन गरेको छ। गत वर्ष यही अवधिमा संस्थाले १ अर्ब ९४ करोड रुपैयाँ सापटी लिएर २ अर्ब २६ करोड रुपैयाँ कर्जा लगानी गरेको थियो।

चुक्तापुँजी २५ करोड ६९ लाख रुपैयाँ रहेको संस्थाको रिजर्भको आकार १०६.८९ प्रतिशतले बढेर १६ करोड २१ लाख रुपैयाँको उचाइमा पुगेको छ। गत वर्ष यही अवधिमा रिजर्भमा ७ करोड ८३ लाख रुपैयाँ रहेको थियो।

संस्थाको प्रतिसेयर आम्दानी (ईपीएस) ५१.२२ रुपैयाँ पुगेको छ। पीई रेसियो ३५.८५ गुणा रहेको संस्थाको प्रतिसेयर नेटवर्थ १६३.१० रुपैयाँ रहेको छ।

२०७८ कार्तिक १० गते प्रकाशित