सुनको मूल्य घट्यो, चाँदीको भाउ स्थिर

वि.सं.२०७८ असोज २० बुधवार

काठमाडौँ । नेपाली बजारमा बुधबार सुनको मूल्यमा गिरावट आएको छ । नेपाल सुनचाँदी व्यवसायी महासंघका अनुसार आज सुनको भाउ तोलामा ४०० रुपैयाँले घटेको हो। योसँगै प्रतितोला फाइन गोल्ड ८९ हजार ९०० रुपैयाँ र तेजाबी गोल्ड ८९ हजार ४५० रुपैयाँ कायम भएको छ।
हिजो मंगलबार सुनको भाउ तोलामा ५०० रुपैयाँले बढेको थियो। यो दिन प्रतितोला फाइन गोल्ड ९० हजार ३०० रुपैयाँ र तेजाबी गोल्ड ८९ हजार ८५० रुपैयाँमा किनबेच भएको थियो।
लगातार ३ दिनदेखि चाँदीको भाउ भने स्थिर रहेको थियो। आज पनि चाँदी तोलाको १ हजार १६० रुपैयाँमै कारोबार भइरहेको छ।
२०७८ असोज २० गते प्रकाशित

प्रकाशित समय : १४:१८ बजे