काठमाडौँ । साताको अन्तिम कारोबार दिन आज नेपाली बजारमा सुनको मूल्यमा वृद्धि भएको छ । लगातार घटिरहेको सुनको मूल्य आज प्रतितोला ९ सयले बढेको हो ।

नेपाल सुनचाँदी व्यवसायी महासंघका अनुसार आज सुनको भाउ तोलामा ९०० रुपैयाँले बढेको हो। योसँगै प्रतितोला फाइन गोल्ड ८९ हजार ६०० रुपैयाँ र तेजाबी गोल्ड ८९ हजार १५० रुपैयाँ कायम भएको छ।

हिजो बिहीबार सुनको भाउ तोलामा २०० रुपैयाँले घटेको थियो। यो दिन प्रतितोला फाइन गोल्ड ८८ हजार ७०० रुपैयाँ र तेजाबी गोल्ड ८८ हजार २५० रुपैयाँमा किनबेच भएको थियो।

आज चाँदीको भाउ पनि तोलामा २० रुपैयाँले बढेर १ हजार १४० रुपैयाँ कायम भएको छ। हिजो तोलामा ३५ रुपैयाँ घटेर चाँदी १ हजार १२० रुपैयाँमा किनबेच भएको थियो।

यो साताभरि भने सुनको भाउ तोलामा ६०० रुपैयाँले बढेको छ भने चाँदीको भाउ तोलामा २० रुपैयाँले घटेको छ।
२०७८ असोज १५ गते प्रकाशित