रौतहट । बोलबमका यात्री बोकेको बोलेरो गाडी रौतहटको नुनथरस्थित नहरमा खस्दा एकजनाको घटनास्थलमै ज्यान गएको छ भने एकजना बेपत्ता भएका छन् ।

सोमबार बिहान बाराबाट रौतहटको नुनथरमा जल लिन आएको बोलबमका यात्री चढेको ना.५च ३१६६ नम्बरको बोलेरो गाडी जिल्लाको चन्द्रपुर नगरपालिका– १ स्थित बागमती सिँचाइको नहरमा बिहान ४ बजे खसेको थियो ।

बोलेरो नहरमा खस्दा बारा गढीमाई नगरपालिका बस्ने ४५ वर्षीया मीनादेवी कोइरीको घटनास्थालमै ज्यान गएको र सोही बोलेरोमा सवार बाराकै कोल्वी नगरपालिका बस्ने ६५ वर्षीया सोनरीदेवी मुखिया नरहमा बेपत्ता भएको इलाका प्रहरी कार्यालय चन्द्रनिगाहपुरका डिएसपी लीलाराज लामिछाने जानकारी दिए ।

बोलेरोमा सवार घाइतेको सर्लाहीको कर्मैयामा रहेको अस्पतालमा उपचार भइरहेको छ । नहरमा खसेको बोलेरो क्रेनको सहायताले निकाल्ने प्रयास भइरहेको र बेपत्ता महिलाको खोजीकार्यमा प्रहरी जुटेको डिएसपी लामिछानेले जानकारी दिए ।

२०७८ साउन २५ गते प्रकाशित