कोभिड नियन्त्रणको दिशामा, संक्रमित भन्दा संक्रमण मुक्त हुनेको संख्या बढी
वि.सं.२०७८ जेठ १२ बुधवार
काठमाडौं । देशभर लगातार कोरोना संक्रमण बढिरहेका बेला अब भने नियन्त्रणको गति लिएको छ । बुधबार नयाँ संक्रमितभन्दा संक्रमणमुक्त हुनेको संख्या बढी भएको हो ।
स्वास्थ्य तथा जनसंख्या मन्त्रालयका अनुसार ६ हजार ७१४ नयाँ संक्रमित थपिँदा ६ हजार ७१६ संक्रमणमुक्त भएका छन् ।
देशभरका प्रयोगशालामा १९ हजार ३० नमुनाको पीसीआर टेष्ट गर्दा ६ हजार ६७७ जना र ३२२ एन्टिजेन टेष्टमा ३७ जनामा संक्रमण पुष्टि भएको स्वास्थ्य मन्त्रालयले जनाएको छ । मन्त्रालयका अनुसार काठमाडौं उपत्यकामा १४९३ संक्रमित थपिएका छन्, जसमध्ये काठमाडौंमा ११३९, ललितपुरमा २४१ र भक्तपुरमा ११३ जना छन् ।
पछिल्लो २४ घण्टामा १४५ जनाको मृत्यु भएको छ । यससँगै मृतकको संख्या ६ हजार ८४५ पुगेको छ ।
२०७८ जेठ १२ गते प्रकाशित
प्रकाशित समय : ११:२३ बजे
