गरिमा विकास बैंकको नाफा बढ्यो
वि.सं.२०७८ वैशाख ७ मंगलवार
काठमाडौं – गरिमा विकास बैंक लिमिटेडको चालु आर्थिक वर्षको तेस्रो त्रैमाससम्ममा खुद नाफा बढेको छ । बैंकले सार्वजनिक गरेको वित्तीय विवरण अनुसार चालु आर्थिक वर्षको चैत मसान्तसम्ममा बैंकले ६७ करोड ८२ लाख रुपैयाँ खुद नाफा आर्जन गरेको छ।
यो गत आर्थिक वर्षको सोही अवधिको तुलनामा ३६.६३ प्रतिशत बढी हो।
बैंकको खुद ब्याज आम्दानी ९.६४ प्रतिशत बढेको छ भने खुद फि तथा कमिशन आम्दानी ३३.१७ प्रतिशत र सञ्चालन मुनाफा ३६.९७ प्रतिशत बढेको छ। त्यसैगरी, समीक्षा अवधिमा बैंकको वितरण योग्य मुनाफा ७ करोड ७३ लाख रुपैयाँबाट बढेर ४९ करोड २ लाख रुपैयाँ पुगेको छ।
प्रकाशित समय : ०८:३९ बजे
