भारत । जापानी अटो  निर्माता कम्पनी सुजुकीको भारतीय दुई पाङ्ग्रे एकाई सुजुकी मोटरसाइकल इन्डिया प्रालि(एसएमआईपीएल) ले  भारतमा उत्पादन तीव्र बनाउने योजना पछाडि सारेको छ ।

कोरोना भाइरसको विद्यमान महामारीका कारण कम्पनीले वार्षिक १० लाख थान उत्पादन गर्ने योजना १ वर्ष ६ महीना ढिला गरेको एसएमआईपीएलका शीर्ष अधिकारीले बताएका छन् ।

घरेलु बजारमा चालू आवको विक्री गत आवको भन्दा अलि राम्रो हुनेप्रति भने कम्पनी आशावादी रहेको छ ।

गत आवमा भारतीय बजारमा कम्पनीको विक्री २३ दशमलव ९ प्रतिशतले घटेको थियो ।

अक्सिजन आपूर्तिमा अवरोधका कारण कम्पनीले अप्रिल २८ देखि तीन ओटा कारखाना बन्द गरेको छ । यो समस्या समाधान गर्न कम्पनीले मारुती सुजुकीसँग सहकार्य गरिरहेको छ । रासस

२०७८ जेठ ९ गते प्रकाशित ।