काठमाडौँ । पछिल्लो २४ घण्टामा थप ६ हजार ८९१ जना संक्रमणमुक्त भएका छन् । त्यस्तै यो अवधिमा ८ हजार २०३ जनामा कोरोना संक्रमण देखिएको छ । स्वास्थ्य मन्त्रालयका अनुसार २० हजार ९७९ नमुनाको पीसीआर र एन्टिजेन परीक्षण गर्दा सो संख्यामा संक्रमित थपिएका हुन् ।

आज २० हजार २८६ जनाको पीसीआर गर्दा ८ हजार १३६ जनामा कोरोना पुष्टि भएको छ भने ६९३ जनाको एन्टिजेन विधिबाट परीक्षण गर्दा ६७ जनाको रिपोर्ट पोजेटिभ आएको छ । आज देशभर १ लाख १४ हजार ५२९ जना सक्रिय संक्रमित रहेका छन् ।

त्यस्तै, आज थप १९६ संक्रमितको मृत्यु भएको छ । योसँगै कोरोनाका कारण ज्यान गुमाउनेको संख्या ५ हजार ४११ पुगेको छ ।

२०७८ जेठ ४ गते प्रकाशित