back

लोकप्रिय सोसल मिडिया टिकटकमा नयाँ सिइओ नियुक्त

काठमाडौँ । लोकप्रिय सोसल मिडिया प्लाटफर्म टिकटकले नयाँ प्रमुख कार्यकारी नियुक्त गरेको छ ।नयाँ नियुक्त भएका सिइओको नाम शोउजी चेउ हो ।

अमेरिकी प्रतिबन्धको धम्कीसँगै तत्कालीन प्रमुख कार्यकारीले राजीनामा दिएको ८ महिनापछि टिकटकले नयाँ प्रमुख कार्यकारी नियुक्त गरेको हो । उनी टिकटकको मातृ कम्पनी बाइटडान्समा केही महिना अगाडि प्रमुख वित्तीय अधिकृतको रुपमा प्रवेश गरेका थिए । शोउजीसँग यसअघि चिनिया स्मार्टफोन कम्पनी शाओमीको उच्च कार्यकारी तहमा रहेर काम गरेको अनुभव छ ।

शोउजी सिइओ नियुक्त भएसँगै कम्पनीमा अन्तरिम प्रमुखको भूमिकामा रहेकी भ्यानेसा पाप्पाजलाई टिकटकको प्रमुख कार्यसञ्चालन अधिकृत अर्थात् सिओओको जिम्मेवारी दिइएको छ । एक विज्ञप्तिमा बाइटडान्सका सिइओ यिमिंग झांगले भनेका छन् : चेउ र भ्यानेस्साको नेतृत्वले दिगो वृद्धिको मार्ग प्रस्तस्त गर्नेछ ।

चेउसँग टिकटक कम्पनी तथा प्रविधि उद्योगको बारेमा गहन ज्ञान रहेको र कम्पनीकै सुरुवाती लगानीकर्ताको टोलीलाई हाँकेको र प्रविधि क्षेत्रमा एक दशकसम्म काम गरेको अनुभव रहेको भन्दै झांगले उनले कम्पनीमा गहना थप्नुका साथै कर्पोरेट गभर्नेन्स र दीर्घकालीन व्यवसायिक प्रयासहरुमा ध्यान केन्द्रित गर्ने बताएका छन् ।

टिकटकका नव नियुक्त प्रमुख कार्यकारी चेउ सिंगापुरका हुन् । उनी सिंगापुरस्थित टिकटक कार्यालयबाट काम गर्नेछन् ।

यसबाट टिकटकलाई अमेरिकी सिइओ नै आवश्यक हुन्छ भन्ने मान्यता पनि खण्डित भएको बताइएको छ ।

गत वर्ष टिकटकले डिज्नी कम्पनीका पूर्व व्यवस्थापक केभिन मायरलाई प्रमुख कार्यकारी अधिकृतमा नियुक्त गरेको थियो । तर उनले राजनीतिक वातावरणमा ठूलो परिवर्तन आएको भन्दै ३ महिनामै राजिनामा दिएका थिए । मायरको राजिनामा पछि टिकटकले आफ्नो अमेरिकास्थित शाखा प्रमुख पाप्पाजलाई अन्तरिम सिइओमा बढुवा गरेको थियो ।

टिकटक अमेरिकामा निकै लोकप्रिय छ, जहाँ टिकटकका १० करोड भन्दा धेरै प्रयोगकर्ता छन् ती मध्ये ६० प्रतिशत भन्दा बढि १० देखि २९ वर्षका छन् ।

विश्वमा सर्वाधिक लोकप्रिय एपको रुपमा रहेको टिकटकका मासिक सक्रिय प्रयोगकर्ताको संख्या ६८ करोड ९० लाख छ । टिकटक एप अहिलेसम्म २ अर्ब पटक डाउनलोड भइसकेको छ । एप स्टोरमा समेत सर्वाधिक डाउनलोड हुने एपको रुपमा टिकटक रहेको छ ।

तथापि अमेरिकी पूर्व राष्ट्रपति डोनाल्ड ट्रम्पले टिकटकमाथि प्रतिबन्ध लगाउने घोषणा गरेसँगै अमेरिकामा टिकटकको भविष्य अनिश्चित बनेको थियो । तर जो बाइडेन राष्ट्रपति बनेसँगै टिकटकमाथिको संकट टरेको विश्लेषण गरिएको छ । गत फेब्रुअरीमा बाइडेनले अमेरिकी संघीय अदालतलाई टिकटकमाथि प्रतिबन्ध लगाउने ट्रम्पकालीन आदेश रोक्का गर्न आग्रह गरेका थिए ।टिकटकले अमेरिकी प्रयोगकर्ताका डाटाहरु चीन सरकारलाई उपलब्ध गराउने गरेको आरोप ट्रम्प प्रशासनको थियो । तर टिकटकको मातृ कम्पनी बाइटडान्सले भने अमेरिकी टिकटक प्रयोगकर्ताका सबै डाटाहरु सिंगापुरस्थित अमेरिकी सर्भरमै सुरक्षित राखिएको र प्रयोगकर्ताका डाटा कुनैपनि सरकारलाई नदिने बताएको थियो ।


माइक्रोसफ्ट र एप्पललाई पछि पार्दै एनभिडिया बन्यो विश्वकै मूल्यवान कम्पनी

माइक्रोसफ्ट र एप्पललाई पछि पार्दै एनभिडिया बन्यो विश्वकै मूल्यवान कम्पनी

वि.सं.२०८१ असार ६ बिहीवार ०९:०३

काठमाडौं । अमेरिकाको सेमीकन्डक्टर चिप निर्माता कम्पनी एनभिडिया विश्वको सबैभन्दा...

एनभिडियाले एप्पललाई उछिन्यो, बन्यो विश्वको दोस्रो बहुमूल्य कम्पनी

एनभिडियाले एप्पललाई उछिन्यो, बन्यो विश्वको दोस्रो बहुमूल्य कम्पनी

वि.सं.२०८१ जेठ २४ बिहीवार १२:४८

क्यालिफोर्निया । अमेरिकी चिप निर्माता कम्पनी एनभिडियाको बजार पुँजीकरण ३०...

भारतबाट साढे १५ अर्ब डलरको स्मार्टफोन विश्वबजार निर्यात,एप्पलको भारतमा कीर्तिमानी कमाइ

भारतबाट साढे १५ अर्ब डलरको स्मार्टफोन विश्वबजार निर्यात,एप्पलको भारतमा कीर्तिमानी कमाइ

वि.सं.२०८१ जेठ ११ शुक्रवार ०९:१५

काठमाडौं । विश्वबजारमा भारतमा बनेका स्मार्टफोनको माग बढिरहेको छ ।...

९ वर्षपछि पोजिटिभ बन्यो जापानको ब्याजदर

९ वर्षपछि पोजिटिभ बन्यो जापानको ब्याजदर

वि.सं.२०८० चैत ६ मंगलवार १४:२३

काठमाडौं । जापानको केन्द्रीय बैंक बैंक अफ जापानले ब्याजदर बढाएको...

इयुले युक्रेनलाई सैन्य सहायताका लागि ५ अर्ब युरो दिने

इयुले युक्रेनलाई सैन्य सहायताका लागि ५ अर्ब युरो दिने

वि.सं.२०८० चैत १ बिहीवार १५:२१

ब्रसेल्स । युरोपेली संघ (इयु) युक्रेनलाई सैन्य सहयोगका लागि पाँच...

एलन मस्कलाई पछिपार्दै जेफ बेजोस पुगे विश्वको धनाढ्य व्यक्ति

एलन मस्कलाई पछिपार्दै जेफ बेजोस पुगे विश्वको धनाढ्य व्यक्ति

वि.सं.२०८० फागुन २२ मंगलवार १५:०६

काठमाडौं । एलन मस्क अब विश्वको सबैभन्दा धनाढ्य व्यक्ति रहेनन् ।...