कोरोनाको महामारीमै शुरू भयो सगरमाथा आरोहण
वि.सं.२०७८ वैशाख २४ शुक्रवार
२४ वैशाख, काठमाडौँ । कोरोना महामारीको बीचमै सगरमाथा आरोहण शुरु भएको छ । कृतिमानी आरोहि कामी रिता शेर्पाको नेतृत्वमा गएको १२ जनाको समूहले आज ६ बजे डोरी टागेको हो ।
समूहमा कामी रिता शेर्पा, फुर्टेन्जी सेर्पा, लाक्पा नर्बु शेर्पा, निग्मा ताशी शेर्पा, मिग्मा तेञ्जी शेर्पा, फुरा छेरिङ् शेर्पा, तेन्जिङ्ग शेर्पा, छेतेन दोर्जे शेर्पा, तेन्जिङ्ग ग्यालजेन शेर्पा, फुर्वा छाेतर शेर्पा, मिग्मा दाेर्ची शेर्पा र फुर्वा कुसंग शेर्पा रहेका छन् ।
पर्यटन विभागले यस सिजनको हिमाल आरोहण अन्तरगत सगरमाथा आरोहणका लागि ४४ समूहका ४०८ जना आरोहीलाई आरोहण अनुमति दिएको छ । विभागले सगरमाथा सहित विभिन्न १६ वटा हिमाल आरोहण गर्न ८५ समूूहका ७ सय ४२ आरोहीले आरोहणको अनुमति दिइसकेको छ ।यसअघि सिजनको पहिलो हिमालको रुपमा अन्नूर्ण हिमालको आरोहण सफल भइसकेको छ भने दोस्रो हिमालको रुपमा सगरमाथा आरोहण सुरु भएको हो ।
प्रकाशित समय : १४:०३ बजे
