back
skip this Samagra

बच्चाका लागि क्यानडामा संसारको पहिलो कोरोना भ्याक्सिनले पायो अनुमति

काठमाडौं । फाइजरको भ्याक्सिन बच्चाका लागि स्वीकृति पाउने संसारको पहिलो कोरोना भ्याक्सिन बनेको छ । क्यानडाको ड्रग रेगुलेटर हेल्थ क्यान्डाले १२ देखि १५ वर्षका बच्चाका लागि यो भ्याक्सिन लगाउने अनुमति दिएको छ ।

यसअघि यो भ्याक्सिन १६ वर्ष माथिका उमेर समूहलाई लगाइएको थियो । अमेरिकामा पनि फाइजर बायोएनटेकको कोरोना भ्याक्सिन १२ देखि १५ वर्षका बच्चालाई लगाउनका लागि अनुमति मिल्ने आशा गरिएको छ ।

फाइजरको भ्याक्सिनको बच्चामाथि ट्रायल जनवरीदेखि मार्चबीच भएको थियो । त्यतिबेला भ्याक्सिन निर्माताले उसको भ्याक्सिन बच्चामाथि पूर्ण रुपमा सुरक्षित भएको बताएको थियो ।

यसको प्रभावकारिता शत प्रतिशत प्रमाणित भएको छ । अमेरिकामा नै फाइजरबाहेक मोडर्ना र जोनसन एण्ड जोनसनको भ्याक्सिन पनि  बच्चामा ट्रायल गरिँदैछ ।

मोडर्ना भ्याक्सिनको ट्रायलको नतिजा जूनमा नै आउने आशा गरिएको छ । यस्तै, जोनसन एण्ड जोनसनको भ्याक्सिनको नतिजा त्यसपछि आउनेछ । अर्थात्, वर्षको अन्त्यसम्म नै कम्पनीको भ्याक्सिन सबै बच्चाका लागि उपलब्ध हुनसक्छ ।

क्यानडामा हेल्थ रेगुलेटरले स्पष्ट पारेका छन् कि अब यो भ्याक्सिन १२ देखि १५ वर्षका बच्चालाई लगाइनेछ । यसअघि कम्पनीले १३ अप्रिलमा अमेरिकी ड्रग रेगुलेटर (यूएस–एफडीए)सँग १२–१५ वर्षसम्मका बच्चाका लागि भ्याक्सिनको प्रयोगको अनुमति मागेको थियो ।

अमेरिकी समाचार च्यानल सीएनएनको रिपोर्ट अनुसार अर्को हप्ता अमेरिकामा पनि फाइजरको भ्याक्सिन १२–१५ वर्ष आयु समूहका बच्चामाथि प्रयोग गर्न अनुमति दिइनेछ ।

यूएस–एफडीएका अधिकारीले अर्को हप्ता नै मिटिङमा फाइजरको भ्याक्सिनमाथि निर्णय लिनुपर्नेछ । मञ्जुरी पाएको खण्डमा सेन्टर फर डिजीज कन्ट्रोल एण्ड प्रिभेन्सन (सीडीसी) को एडभाइजरी कमिटीको बैठक हुनेछ । यसमा बच्चालाई कसरी र कहिले खोप लगाइने भनेर निश्चित गरिनेछ । यूएस–एफडीएकी एक प्रवक्ताले वासिङ्टन पोस्टसँगको कुराकानीमा भनिन्, ‘हामी छिटोभन्दा छिटो पूरा पारदर्शिताका साथै फाइजरको अनुरोधको समीक्षा गर्नेछौं ।हाल फाइजरको भ्याक्सिन १६ वर्षभन्दा बढी आयू समुह भएकाहरुलाई प्रदान गरिएको छ ।’

यस्तै, युरोपेली संघ र बेलायतमा पनि १२–१५ वर्षका बच्चाका लागि यो भ्याक्सिनले मञ्जुर पाउन सक्छ । फाइजरको भ्याक्सिन यी देशमा १६ वर्षभन्दा बढी उमेर समूहकालाई लगाइँदैछ । फाइजरले अब आफ्नो ध्यान ६ महिनादेखि ११ वर्षसम्मका बच्चामाथि भ्याक्सिनको ट्रायल गर्नेमा केन्द्रीत हुने बताएको छ ।

कति प्रभावकारी छ फाइजरको भ्याक्सिन ?

फाइजरको दाबी अनुसार उसले १२–१५ वर्षका २,२६० बच्चामाथि भ्याक्सिनको ट्रायल गरेको छ । ३१ मार्च सन् २०२१ मा घोषणा गरिएको नतिजा अनुसार यो भ्याक्सिन यी आयु समूहमाथि १०० प्रतिशत प्रभावकारी साबित भएको छ ।

यसका अर्थ यो हो कि जसलाई यो भ्याक्सिन लगाइयो, तीमध्ये कोही पनि भाइरसद्वारा संक्रमित भएनन् ।

ट्रायल्समा १८ बच्चा कोरोनाद्वारा संक्रमित भएका थिए तर उनीहरु सबै प्लेसिबो ग्रुपका थिए । त्यसपछि पनि ट्रायलमा संलग्न बच्चालाई दुई वर्षसम्म निगरानी गरिनेछ ता कि उनीहरुको शरीरमा भ्याक्सिनको दुरगामी असर बुझ्न सकियोस् ।

कम्पनीका अनुसार बच्चालाई चाँडोभन्दा चाँडो पुनः स्कूल पठाउन आवश्यक छ ता कि उनीहरु आफ्ना साथीलाई भेट्न सकून्, साथीभाइ र परिवारसँग निश्चिन्तताका साथ बाहिर खेल्न सकून् ।


लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

लगानी सम्मेलनः ‘सोकेस’मा १२५ आयोजना, ११ सयभन्दा बढीलाई निम्ता

वि.सं.२०८० चैत २८ बुधवार ०९:०५

काठमाडौँ । सरकारले आगामी वैशाख १६ र १७ गते (अप्रिल...

राहदानी बनाउन पोर्चुगलबाट मात्र ६ सय ६९ को आवेदन

राहदानी बनाउन पोर्चुगलबाट मात्र ६ सय ६९ को आवेदन

वि.सं.२०८० चैत २२ बिहीवार ०९:१५

काठमाडौं । पोचुगलमा सञ्चालित राहदानी सेवा शिविरबाट ६ सय भन्दा...

सरकारी ऋणको साँवा–ब्याज तिर्न साढे पाँच खर्ब चाहिने, बजेटमा स्रोतको सकस : निक्लेलात सोलुसन् ?

सरकारी ऋणको साँवा–ब्याज तिर्न साढे पाँच खर्ब चाहिने, बजेटमा स्रोतको सकस : निक्लेलात सोलुसन् ?

वि.सं.२०८० चैत २० मंगलवार २१:३०

काठमाडौँ । आगामी आर्थिक वर्ष २०८१/८२ का लागि सरकारले भुक्तानी...

बैंकको तथ्यांक : बैंकहरुमा निक्षेप बढेर ६२ खर्ब रुपैयाँ नाघ्यो

बैंकको तथ्यांक : बैंकहरुमा निक्षेप बढेर ६२ खर्ब रुपैयाँ नाघ्यो

वि.सं.२०८० चैत २० मंगलवार २१:१७

काठमाडौं । बैंकिङ प्रणाली तरलता लगातार बढिरहेको छ। नेपाल राष्ट्र...

सवाल जवाफ:  सरकारले स्वदेशी निजी क्षेत्रलाई प्राथमिकतामा राखेर जलविद्युत क्षेत्रमा काम गरिरहेको छ सिंचाईमन्त्री बस्नेत

सवाल जवाफ: सरकारले स्वदेशी निजी क्षेत्रलाई प्राथमिकतामा राखेर जलविद्युत क्षेत्रमा काम गरिरहेको छ सिंचाईमन्त्री बस्नेत

वि.सं.२०८० चैत २० मंगलवार १५:२१

काठमाडौं । ऊर्जा, जलस्रोत तथा सिंचाईमन्त्री शक्तिबहादुर बस्नेतले सरकारले स्वदेशी...

नक्कली बिल र स्टिकरको अनुगमन गरी आवश्यक कदम चाल्न प्रधानमन्त्रीको निर्देशन

नक्कली बिल र स्टिकरको अनुगमन गरी आवश्यक कदम चाल्न प्रधानमन्त्रीको निर्देशन

वि.सं.२०८० चैत १९ सोमवार ०९:३७

काठमाडौँ । प्रधानमन्त्री पुष्पकमल दाहाल ‘प्रचण्ड’ले राजस्व चुहावट रोक्दै अर्थतन्त्र...