संयुक्त कारोबारको लागि इन्भेष्टमेन्ट बैंक र हिमालयन बैंकको गृहकार्य सुरु
वि.सं.२०७८ असोज २५ सोमवार
काठमाडौं । नेपाल इन्भेष्टमेन्ट बैंक र हिमालयन बैंकले पुसमसान्त भित्र एकीकृत कारोबार गर्ने गरीगृहकार्य सुरु गरेका
छन् ।
दुई ठुला बैंकले मर्जर संझौता गरि संयुक्त कारोबारको तयारी गरेका हुन् । संयुक्त कारोबारका लागि गृह कार्य सुरु भएको नेपाल इन्भेष्टमेन्ट बैंकले जनाएको छ ।
यस अघि असोज मसान्ततभित्रमा एकीकृत कारोबार गर्ने तयारी गरिएको भएपनि आन्तरिक समस्याका कारण मर्जरमा ढिलाई भएको हो ।
मर्जर प्रक्रिया ढिलाई भइरहेका बेला नेपाल इन्भेष्टमेन्ट बैंक र हिमालयन बैंकले पुस मसान्त भित्र एकिकृत कारोबार गर्नेगरी प्लानिङ गरेका हुन् ।
गत वैशाख ३० मा हिमालयन एण्ड नेपाल इन्भेष्टमेन्ट बैंकको नामाकरण गर्नेगरी मर्जर सहमति भएको थियो । नेपाल राष्ट्र बैंकले मर्जरका लागि सैद्दान्तिक स्वीकृति दिइसकेको छ ।
२०७८ अशोज २५ गते प्रकाशित
प्रकाशित समय : १३:०७ बजे
