काठमाडौँ । साताको पहिलो कारोबार दिन आज आइतबार शेयर बजारमा भारी गिरावट आएको छ । सेयर बजार मापक परिसूचक नेप्सेमा भारी अंकको गिरावट आएपछि सर्किट ब्रेक लगाईएको छ ।

नेप्से सूचक ५.०३ प्रतिशतले घटेपछि सर्किट ब्रेक लगाईएको हो । यस संगै शेयर बजारमा ४० मिनेट कारोबार रोक्का गरिएको छ ।

नेप्से सूचकमा १४७.३१ अंकको गिरावट आएको छ । यो नेपाली सेयर बजारमा हालसम्मकै सबै भन्दा उच्च अंकको गिरावट हो ।

आज १२ बजेर ५९ मिनेटमा नेप्से ५ प्रतिशतले बढेपछि सर्किट लागेको हो । हाल सम्म आज ७ अर्ब १९ करोडको कारोबार भएको छ । आज कारोबारमा आएका २ वटा बाहेक सबै कम्पनीको मूल्य घटेको छ ।

सर्किट ब्रेकको नियम अनुसार कारोबार सुरु भएको पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित गरिन्छ । त्यस्तै दोस्रो घण्टामा सूचक ५ प्रतिशतले घटे वा बढे ४० मिनेट कारोबार स्थगित गरिन्छ । र तेस्रो घण्टा वा त्यसपछिको समयमा सूचक ६ प्रतिशतले घटे वा बढे बाँकि पुरै दिनको कारोबार स्थगित गरिन्छ ।

२०७८ भदौ २० गते प्रकाशित