काठमाडौँ । एनएमबि म्युचुअल फण्डअन्तर्गत एनएमबि सरल बचत फण्ड–ई भदौ १७ गतेबाट बिक्रि खुला हुन लागेको छ । कम्पनीले खुलामुखि स्किम स्वरुप प्रति इकाई १० रुपैयाँको दरले इकाई बिक्रि खुला गरेको हो । कम्पनीले सुरुमा १० करोड इकाइमध्ये ४० प्रतिशत अर्थात चार करोड रुपैयाँको पहिलो चरणमा बिक्री गर्न लागेको हो ।

निष्कासन गरिने इकाइमध्ये योजनाको कुल आकारको १४ प्रतिशत अर्थात एक करोड ४० लाख कोष प्रवर्द्धक बैंकले र १ प्रतिशत योजना व्यवस्थापक क्यापिटलले राख्ने छन्। एक प्रतिशतमा १० लाख इकाइ पर्छ। बाँकी रहेको २ करोड ५० लाख इकाइ सर्वसाधारणलाई बिक्री गरिने छ।

सर्वसाधारणले न्यूनतम १०० इकाइ र बढीमा ४० लाख इकाइका लागि आवेदन दिन सक्छन्। खुलामुखी भएकाले यो योजनाको अवधि छैन। अर्थात यो परिपक्व हुँदैन।

उक्त इकाईमा भदौ २१ गते कार्यालय समयभित्र आवेदन दिन सकिने छ । कम्पनीका अनुसार उक्त इकाई बिक्रि बन्द हुने समय छिटोमा भदौ २१ र ढिलामा यहि भदौ ३१ गतेसम्म रहेको छ । ढिलामा भन्नाले छिटो भनिएको समयमा आवेदन नपरे मात्रै ढिलासम्मको समय सम्म खुला रहेन हो तर पछिल्लो समयसम्म बिक्रि खुला हुने मौका भने कम रहेको छ । किनकी लागनीकर्ता आजभोली म्युच्युअल फण्डमा पनि उत्तिकै आकर्षित देखिएका छन् ।

२०७८ भदौ १५ गते प्रकाशित