काठमाडौँ । सानिमा लाइफ इन्स्योरेन्सको शेयर लगानीकर्ताको डिम्याट खातामा आउन सुरु भएको छ । सिडीएसएसीले हिजो आइतबारदेखि लगानीकर्ताको खातामा शेयर पठाउन थालेको हो ।

शेयर खातामा आएसंगै नेपाल स्टक एक्सचेन्ज नेप्सेमा शेयर सुचिकृत भएपछि कम्पनीको शेयर कारोबार खुला हुने छ । सम्भवत यसै सातादेखि शेयर कारोबार हुने छ ।
कम्पनीले श्रावण २० गतेबाट ६० लाख कित्ता आईपीओ निष्काशन गरेको थियो । निष्काशन गरिएको ६० लाख कित्तामध्ये सामूहिक लगानी कोषलाई ५ प्रतिशत तथा कर्मचारीलाई ५ प्रतिशत छुट्याई बाँकी रहेको ५४ लाख कित्ता शेयरको लागि सर्वसाधारणले आवेदन दिएका थिए ।

गोलाप्रथाबाट ५ लाख ४० हजारले १० कित्ताका दरले आईपीओ पाएका थिए । यस आईपिओमा २४ लाख १९ हजार १ सय २७ जना आवेदकबाट ३ करोड ६९ लाख ४३ हजार ४ सय ४० कित्ताको लागि आवेदन परेको थियो । यो ६.८४ गुणा बढी हो ।

आइपीओ बिक्रि वितरणपछि सानिमा लाइफको चुक्तापुंजी २ अर्ब पुगेको छ ।
२०७८ भदौ १४ गते प्रकाशित