काठमाडौँ । सर्वोच्च अदालतले प्राधिकरणको कार्यकारी निर्देशक कुलमान घिसिङको नियुक्तिको विरुद्धमा परेको रिट माथि अन्तरिम आदेश जारी गर्न अस्विकार गरेको छ ।
निर्वतमान प्राधिकरणका निर्देशक हितेन्द्रदेव शाक्यले कुलमानको नियुक्ति विरुद्ध दायर गरेको रिटमाथि आज प्रधानन्याधीश चोलेन्द्र शमसेर जबराको एकल इजलासले सुनुवाइ गर्दै अन्तरिम आदेश जारी गर्न अस्विकार गरेको हो ।

सर्वोच्चले कुलमानको नियुक्तिसम्बन्धी फाइल झिकाएको छ । पूर्वकार्यकारी निर्देशक शाक्यले भदौ १ गते कुलमानलाई हटाएर आफूलाई पुनर्वहालीको माग गर्दै सर्वोच्चमा घिसिङको नियुक्तिको विरुद्धमा रिट दायर गरेका थिए ।

साथै देउवा सरकारले गैरकानुनी रुपमा आफूलाई हटाएको भन्दै पुनर्वहालीको लागि अदालतमा अन्तरिम आदेशको माग गरेका थिए ।

२०७८ भदौँ ८ गते प्रकाशित