सेयर बजारमा उछाल, यी हुन् आजको थप ऐतिहासिक रेकर्ड
वि.सं.२०७८ जेठ २३ आइतवार
काठमाडौँ । साताको पहिलो कारोबार दिन आज नेपाल स्टक एक्सचेञ्ज (नेप्से) मा उछाल आएकोछ । गत साताको बिहीबार नयाँ रेकर्ड बनाएर बन्द रहेको कारोबारमा नेप्सेले आज कारोबारको पहिलो दिननै नयाँ रेकर्ड बनाएको हो ।
यस दिन नेप्से परिसूचक ५०.१४ अंकले बढेर २९०६.९१ अंकमा बन्द भएको छ । यो हालसम्म कै उच्च बिन्दु हो । यस अघि गत साता बिहीबार बिहीबार नेप्से परिसूचक २८५६.७७ अंकमा बन्द भएको थियो ।
दिनभरमा कारोबारमा आएका २१८ कम्पनीको ३ करोड ७४ लाख ५५ हजार सेयर कित्ता १ लाख ७१ हजार पटक किनबेच हुँदा १७ अर्ब २७ करोड १७ लाख ८७ हजार रुपैयाँको कारोबार भएको छ । यो हालसम्म कै उच्च कारोबार हो ।
यस अघि गत साताको आइतबार १७ अर्ब २ करोड रुपैयाँको कारोबार भएर नयाँ रेकर्ड बनाएको थियो । उक्त रेकर्ड आज आइतबार ब्रेक गरेको हो ।
२०७८ जेठ २३ गते प्रकाशित
प्रकाशित समय : ०९:५५ बजे
