काठमाडौं । एचआइडीसीएलले हकप्रद जारी गर्ने प्रयोजनका लागि जेठ २८ गत बुक क्लोज गर्ने भएको छ । जेठ १६ गते बसेको सञ्चालक समितिको बैठकले हकप्रद जारी गर्नका लागी जेठ २८ गतेका लागि बुक क्लोजको मिति तोकेको हो।

जेठ २७ गतेसम्म नेपाल स्टक एक्सचेञ्जमा सेयर खरिद गरेका र त्यसको पाँच दिनसम्म राफसाफ भएर कायम रहेका सेयरधनीहरुले हकप्रद सेयर भर्न पाउनेछन् ।

कम्पनीले चुक्ता पूँजीको शत प्रतिशत अर्थात १ः१ को अनुपातमा हकप्रद सेयर जारी गर्ने भएको हो । कम्पनीले ११ अर्बको चुक्ता पूँजी रहेको कम्पनीले असार ५ गतेदेखि हकप्रद सेयर जारी गर्नेछ ।

हकप्रद शेयर निष्काशन गर्न कम्पनीले ग्लोबल आइएमई क्यापिटललाई बिक्री प्रबन्धक रहेको छ । हाल ११ अर्ब रुपैयाँ पूँजी रहेको कम्पनीको हकप्रद शेयर बिक्रीपछि चुक्ता पूँजी २२ अर्ब रूपैयाँ पुग्नेछ ।

जेठ १७ गते प्रकाशित