काठमाडौँ । नेशनल माइक्रोफाइनान्स लघुवित्त वित्तीय संस्था लिमिटेडले ८० हजार कित्ता संस्थापक सेयर आज देखि लिलामीमा बिक्रिका लागि ल्याएको छ ।

उक्त सेयरको न्यूनतम मूल्य प्रतिकित्ता १ हजार २२ रुपैयाँ तोकिएको छ । त्यसैले लगानीकर्ताले बोलपत्र पेश गर्दा सो वा सो भन्दा बढी मूल्य अंकित गरी पेश गर्नुपर्नेछ । लगानकर्ताले उक्त सेयरमा आज (जेठ १६ गते) देखि जेठ ३० गतेसम्म बोलपत्र पेश गर्न सक्नेछन् ।

लगानीकर्ताले उक्त सेयर खरिदका लागि न्यूनतम १०० कित्ताको लागि आवेदन दिनुपर्नेछ भने अधिकतममा सम्पूर्ण कित्ताका लागि आवेदन दिन सक्नेछन् ।

कम्पनीको बिक्री प्रबन्धकमा एनआईबिएल एस क्यापिटल लिमिटेड रहेको छ ।

२०७८ जेठ १६ गते प्रकाशित