काठमाडौं । अब काठमाडौं उपत्यकामा ६ वटाभन्दा बढी बैंकशाखा खोल्न नपाईने भएको छ । नेपाल राष्ट्र बैंकले कोरोना नियन्त्रणका लागि सोमबार एक निर्देशिका जारी गर्दै यस्तो व्यवस्था गरिएको जानकारी गराएको हो ।

नयाँ निर्देशन बमोजिम बाणिज्य बैंकले काठमाडौं जिल्लामा ३ वटा, ललितपुर जिल्लामा २ वटा र भक्तपुर जिल्लामा १ वटामात्रै शाखा खोल्न पाउने छन् । विकास बैंकले काठमाडौंमा २ वटा र अरु जिल्लामा १–१ वटामात्रै शाखा खोल्न पाउने छन् ।

फाइनान्स कम्पनीले भने सबै तीनवटै जिल्लामा १–१ वटामात्रै शाखा खोल्न पाउने व्यवस्था गरेको छ । तर यसरी शाखा खोल्दा हरेक दिन एकै शाखा खोल्न भने पाइँदैन । आलोपालोमा शाखा खोल्नुपर्ने व्यवस्था राष्ट्र बैंकले गरेको छ ।

२०७८ जेठ ११ गते प्रकाशित