back
skip this Samagra

२८०० को विन्दु पार गरेर फर्कियो नेप्से, कारोबार रकममा भने उत्साह कायमै

काठमाडौं । बुधबार सेयर बजारमा दोहोरो अंकको गिरावट आएको छ । कारोबारको सुरुमा हरियाली छाएपनि कारोबारको अन्त्यमा आउँदा भने १३.०९ अंकले घटेर २७८०.८१ अंकमा बन्द भएको हो ।

मंगलबार २७९३.८१ अंकमा बन्द भएको नेप्से प्रिओपन सेसनमा नै करिब साढे २२ अंकले बढेर २७१६.२६ अंकमा खुलेको थियो । दिनभरजसो उतार–चढाव देखिएको नेप्से ‘इन्ट्रा–डे’ कारोबारमा २८२२.२३ अंकको ऐतिहासिक उचाइ बनाएर नेप्से फर्किएको हो । नेप्सेले २८०० अंकको विन्दु पार गरेको पहिलोपटक हो ।

इतिहास रचेर फर्किएको नेप्सेले कारोबार रकममा पनि नयाँ इतिहास रचेको हो । यो दिन करिब १२ अर्बको कारोबार भएको छ । आज २ करोड ५१ लाख २१ हजार ५५४ कित्ता सेयर किनबेच हुँदा ११ अर्ब ९५ करोड ८० लाख ९७ हजारको कारोबार भएको हो ।

नेप्सेमा आज बजारलाई लिड गर्ने बैंकिङसँगै व्यापार, होटेल तथा पर्यटन र म्युचुअल फन्ड उपसूचकमा वृद्धि हुँदा त्यसबाहेक सबै उपसूचक घटेको छ । बैंकिङ उपसूचक ०.४ प्रतिशतले बढे पनि हाइड्रोपावर उपसूचक २.११ प्रतिशत, विकास बैंक उपसूचक, १.६७ प्रतिशत, लगानी उपसूचक १.७६ प्रतिशत निर्जीवन बिमा उपसूचक १.१ प्रतिशत, उत्पादन उपसूचक १.११ र अन्य उपसूचक १.२२ प्रतिशतले गिरावट भएको छ । जसले गर्दा नेप्से पनि करेक्सन भएको हो ।

यता, होटेल तथा पर्यटन उपसूचक ०.४१, व्यापार उपसूचक ०.८६ प्रतिशत र म्युचुअल फन्ड उपसूचक ०.५१ प्रतिशतले बढेको छ ।

‘क’ वर्गका कम्पनीलाई मापन गर्ने सेन्सिटिभ इन्डेक्स १.०८ अंकले घटेर ४९६.१४ अंकमा बन्द भएको छ ।

कारोबार रकमले नयाँ रेकर्ड बनाउँदा आज बजारमा कारोबार रकममा नेपाल पुनर्बिमा कम्पनीले लिड गरेको छ । कम्पनीको सर्वाधिक ५५ करोड ६९ लाख १८ हजारको कारोबार भएको छ । यस्तै, नेसनल लाइफ इन्स्योरेन्सको ४५ करोड ३४ लाख ७३ हजार र नेसनल हाइड्रोपावरको ३० करोड ६० लाख ४० हजारको कारोबार भएको छ ।

नेप्सेमा करेक्सन भए पनि आज ५ कम्पनीको सेयर मूल्यमा भने सकारात्मक सर्किट लागेको छ । सकारात्मक सर्किट लाग्नेमा समता घरेलु लघुवित्त, रुरु जलविद्युत् कम्पनी, गोर्खाज फाइनान्स, नेपाल फाइनान्स र कर्णाली डेभलपमेन्ट बैंक रहेका छन् ।

यता, ङ्यादी ग्रुप पावरको सेयर मूल्य ६.८८ प्रतिशतले घट्दा युनाइटेड मोदी हाइड्रोपावरको सेयर मूल्य ५.९२ प्रतिशत र नेपाल हाइड्रो डेभलपर्स कम्पनीको सेयर मूल्य ५.७ प्रतिशतले घटेको छ । आज कारोबारमा आएका ११७ कम्पनीको सेयर मूल्य घटेको छ । भने, ५९ कम्पनीको सेयर मूल्य वृद्धि हुँदा ६ कम्पनीको सेयर मूल्य भने स्थिर रहेको छ ।


दूधको भुक्तानी तुरून्तै दिन प्रधानमन्त्रीको निर्देशन

दूधको भुक्तानी तुरून्तै दिन प्रधानमन्त्रीको निर्देशन

वि.सं.२०८० फागुन १५ मंगलवार ११:०३

काठमाडौँ । प्रधानमन्त्री पुष्पकमल दाहाल ‘प्रचण्ड’ले दुग्ध विकास संस्थानले दूध...

संसदमा आगामी बजेटका सिद्धान्त र प्राथमिकता पेश गर्दै अर्थमन्त्री, यस्तो छ ‘बजेट क्यालेन्डर’

संसदमा आगामी बजेटका सिद्धान्त र प्राथमिकता पेश गर्दै अर्थमन्त्री, यस्तो छ ‘बजेट क्यालेन्डर’

वि.सं.२०८० फागुन १४ सोमवार ११:५०

काठमाडौँ । आज बस्ने प्रतिनिधिसभाको बैठकमा अर्थमन्त्री डा. प्रकाशशरण महतले...

सरकारी ढुकुटीमा १ खर्ब ११ अर्ब ३० करोड नगद मौज्दात छ : केन्द्रीय बैंक

सरकारी ढुकुटीमा १ खर्ब ११ अर्ब ३० करोड नगद मौज्दात छ : केन्द्रीय बैंक

वि.सं.२०८० फागुन १४ सोमवार ११:३३

काठमाडौँ । केन्द्रीय बैंकले सरकारी ढुकुटीमा १ खर्ब ११ अर्ब...

निर्माण उद्योगको विकासमा सरकार बाधक : रवि सिंह

निर्माण उद्योगको विकासमा सरकार बाधक : रवि सिंह

वि.सं.२०८० फागुन ८ मंगलवार १२:०९

नेपालमा निर्माण क्षेत्रमा काम गर्ने समय भनेको मंसिरदेखि जेठसम्म हो...

संकटमा अर्थतन्त्र र अब चाल्नुपर्ने कदम : डा. डिल्लीराज खनाल “अर्थविद्”

संकटमा अर्थतन्त्र र अब चाल्नुपर्ने कदम : डा. डिल्लीराज खनाल “अर्थविद्”

वि.सं.२०८० फागुन ८ मंगलवार १२:०१

आर्थिक कोणबाट हेर्दा विस्तारै महासंकट निम्तने हो कि भन्ने भयावह...

संवेदनशील विषयलाई कसैले पनि राजनीतिक स्वार्थ सिद्ध गर्नै माध्यम बनाउनु हुदैन : पुर्ब रास्ट्रपति भन्डारी

संवेदनशील विषयलाई कसैले पनि राजनीतिक स्वार्थ सिद्ध गर्नै माध्यम बनाउनु हुदैन : पुर्ब रास्ट्रपति भन्डारी

वि.सं.२०८० फागुन ७ सोमवार २०:०७

काठमाडौँ । पूर्वराष्ट्रपति विद्यादेवी भण्डारीले पीडितलाई केन्द्रबिन्दुमा राखेर शान्ति प्रक्रियाका...