काठमाडौं । नेपाल बैंकले ३ अर्ब ५० करोड रुपैयाँको ३५ लाख कित्ता ऋणपत्र निष्काशन गरेको छ । बैंकले ‘८.५० प्रतिशत नेपाल बैंक ऋणपत्र २०८७’ जारी गरेको हो । बैंकले संघ संस्थाको लागि २१ लाख कित्ता र १४ लाख कित्ता सर्वसाधारणलाई गरी कुल ३५ लाख कित्ता रिणपत्र निष्काशन गर्न लागेको हो ।

१४ लाख कित्तामा सामूहिक लगानी कोषका लागि १५ हजार कित्ता बाँडफाँट गरिएको छ । सर्वसाधारणले १३ लाख ८५ हजार कित्तामा आवेदन दिन पाउने छन
। नेपाल बैंकले १० वर्ष अवधिको लागि वार्षिक ८.५० प्रतिशत ब्याजदरमा ऋणपत्र निष्काशन गरेको छ । प्रतिइकाई १ हजार रुपैयाँ दरले न्यूनतम २५ देखि अधिकतम ३ लाख कित्तासम्म आवेदन दिन सकिनेछ ।

आवेदन दिँदा सी-आस्वा सदस्य बैंक तथा वित्तीय संस्था र मेरो सेयरबाट पनि आवेदन दिन सकिने छ । छिटोमा वैशाख २६ गते र त्यो अवधिमा बिक्री नभएमा जेठ ५ गतेसम्म आवेदन दिन सकिने रहेको छ ।

कर्पाेरेट बजार

प्रकाशित समय : ०७:४० बजे