back

मर्जरसँगै कुन बैंकको हैसियत कति ?

काठमाडौं । हालचालै मर्जर तथा एक्वीजिशन टुंग्याएका र अहिले पनि यसै प्रक्रियामा रहेका एक दर्जन बाणिज्य बैंक मिलेर ६ अ‍ेटा बन्दै छन् ।

नबिलले नेपाल बंगलादेश बैंक किनेर गत असारमै एकीकृत कारोबार सुरु गरिसकेको थियो । त्यसयता कुमारी र एनसीसी मिलेर कुमारी बैंक बनेको छ ।

ग्लोबल आईएमई र बैंक अफ काठमाण्डू मिलेर ग्लोबल आईएमई बैंक बनेको छ । सेञ्चुरी बैंक प्रभू बैंकमा विलय भएको छ । बुधबारमात्रै नेपाल इन्भेण्टमेण्ट र मेगा मिलेर नेपाल इन्भेष्टमेण्ट मेगा बैंक बनेको छ ।

अब छिट्टै नै हिमालयन बैंकमा सिभिल बैंक गाभिँदै छ । लक्ष्मी र सनराइज बैंक पनि गाभिएर लक्ष्मी सनराइज बैंक बन्ने भएको छ । हिमालयनको एकीकृत कारोबार माघ १८ भित्र गर्ने भनिए पनि लक्ष्मी सनराइजले कहिलेसम्म मर्जर टुंग्याउँछ भन्ने यकीन छैन ।

राष्ट्र बैंकले ठूला बैंकको मर्जर नीतिलाई प्रोत्साहित गर्ने योजनाहरु पुस मसान्त पछि पनि निरन्तरता दिने संकेत गरेका कारण थप बैंकहरु गाभिने संभावना बढेको छ ।

बुधबार नेपाल इन्भेष्टमेण्ट मेगा बैंकको एकीकृत कारोबार उद्घाटन समारोहमा बैंकका अध्यक्ष पृथ्वीबहादुर पाँडेले अब दोस्रो चरणको मर्जरपछि नेपालमा ६–७ वटामात्रै बैंक बाँकी रहने भनेका छन् ।

ठूला बैंकहरुको मर्जरको यो प्रतिस्पर्धाले बैंकहरुबीच को ठूलो बन्ने भनेर होडबाजी पनि गराएको छ ।

यसअघि हिमालयन र नेपाल इन्भेष्टमेण्टबीच मर्जर प्रक्रिया अघि बढेपछि उद्योगपति विनोद चौधरीले हतार हतार नेपाल बंगलादेश बैंक किनेर नबिललाई अधिकांश सूचकमा देशकै ठूलो बैंक बनाएका थिए ।

तर त्यसको ६ महिना वित्दा नवित्दै नबिलको यो विरासत खोसिएको छ ।

अब धेरैजसो सूचकमा ग्लोबल आईएमई देशकै ठूलो बैंक बनेको छ । कुल पूँजीका आधारमा नेपाल इन्भेण्टमेण्ट मेगा बैंकको आकार ठूलो भएको छ ।

यहाँ हामीले गत असोज मसान्तको वित्तीय विवरणमा टेकेर हालै मर्जरमा गएका र प्रक्रियामा रहेका बैंकहरुको हैसियत कहाँ हुन्छ भन्ने चर्चा गरिने छ ।

 

मर्जरपछि ग्लोबल आईएमई बैंकसँग ४ खर्ब ९५ अर्बभन्दा बढी सम्पत्ती जम्मा भएको छ । दोस्रो स्थानमा नेपाल इन्भेष्टमेण्ट मेगा बैंक छ । ऊसँग ४ खर्ब ७१ अर्बको सम्पत्ती छ ।

तेस्रोमा नबिल र चौंथोमा कुमारी बैंक आउँछ । तर मर्जरपछि पनि लक्ष्मी सनराइज, प्रभू र हिमालयनभन्दा एनआईसी एसिया बैंकसँग बढी सम्पत्ती हुने छ ।

एनआईसी सम्पत्तीको हिसाबले पाँचौं स्थानमा रहने छ भने लक्ष्मी सनराइज छैटौं, प्रभू सातौं र हिमालयन आठौं बन्ने छन् । लक्ष्मी सनराइजको मर्जर नहुञ्जेल प्रभू बैंक छैटौं स्थानमा आएको छ ।

त्यसपछि राष्ट्रिय बाणिज्य बैंक, एनएमबी, सिद्धार्थ, नेपाल बैंक, कृषि विकास, एभरेस्ट, प्राइम, सानिमा, सिटिजन्स, माछापुच्छ«े, नेपाल एसबीआई र अन्त्यमा स्ट्याण्डर्ड चार्टर्ड बैंक रहेका छन् ।

कुल पूँजीका हिसाबले अहिले नेपाल इन्भेष्टमेण्ट मेगा बैंक सबैभन्दा ठूलो भएको छ । ऊसँग ५८ अर्ब ८ करोडभन्दा बढी पूँजी भएको छ । ग्लोबल आईएमईसँग ५७ अर्ब ४१ करोड पूँजी छ ।

तेस्रो स्थानमा रहेको नबिलसँग ५३ अर्ब २६ करोड र चौंथो भएको कुमारीसँग ३८ अर्ब ५६ करोडभन्दा बढी पूँजी छ ।

पूँजीका हिसाबले नेपाल बैंक अझै पनि पाँचौं नम्बरमा आएको छ । मर्जरपछि पनि हिमालयन छैटौं नम्बरमा रहने छ । त्यसपछि राष्ट्रिय बाणिज्य बैंक र कृषि विकास बैंकजस्ता सरकारी बैंक आउने छन् ।

लग्मी सनराइजको हैसियत मर्जरपछि पनि ९ औं नम्बरमा पुग्ने छ । हाल आठौं नम्बरमा पुगेको प्रभू बैंक यी दुई मर्जर टुंगिएसँगै १० औं स्थानमा झर्ने छ ।

त्यसपछि प्राइम, एनएमबी, एनआईसी एसिया, एभरेस्ट, सिद्धार्थ, सिटिजन्स, स्याण्डर्ड चार्टर्ड, नेपाल एसबीआई, सानिमा र अन्त्यमा माछापुच्छ्रे बैंक रहने छ ।

बैंकको कारोबारको आकार नाप्ने मुख्य हतियार निक्षेप नै हो । कुन बैंकसँग कति वित्तीय स्रोत छ भन्ने यसले दर्शाउँछ । अहिले निक्षेपमा पनि ग्लोबल आईएमई बैंक अगाडी आएको छ । ऊसँग असोज मसान्तमै ३ खर्ब ८९ अर्ब निक्षेप थियो ।

जुन अहिले ४ खर्ब हाराहारी रहेको भनिएको छ । दोस्रो स्थानमा नेपाल इन्भेष्टमेण्ट मेगा र तेस्रोमा नबिल बैंक आएको छ ।

निक्षेपमा अहिले पनि एनआईसी एसिया बैंक चौंथो ठूलो हो । त्यसपछि कुमारी र प्रभू बैंक आउँछन् । लक्ष्मी सनराज्य र हिमालयन दुबैले मर्जरपछि राष्ट्रिय बाणिज्य बैंकलाई उछिन्ने छन् ।

यी दुई बैंकको मर्जर हुन्छ भन्ने विस्वास लिएर तथ्यांक केलाउँदा दशौं स्थानमा नेपाल बैंक आउने छ ।

त्यसपछि सिद्धार्थ, एनएमबी, एभरेस्ट, कृषि विकास, प्राइम, सिटिजन्स, सानिमा, माछापुच्छ्रे, नेपाल एसबीआई र अन्त्यमा स्ट्याण्डर्ड चार्टर्ड रहने छन् ।

 

कर्जा तथा सापटीको हिसाबमा पनि अहिले ग्लोबल आईएमई बैंक नै ठूलो भएको छ । ऊसँग असोजमै ३ खर्ब ७६ अर्बभन्दा बढी कर्जा थियो । नेपाल इनभेष्टमेण्ट मेगा बैंकसँग ३ खर्ब २९ अर्ब र नबिलसँग ३ खर्ब १५ अर्बभन्दा बढी कर्जा असोजमै थियो । कर्जाको हिसाबमा पनि कुमारी बैंक चौंथो बनेको छ । एनआईसी एसियाले पाँचौं ठूलो आकार धारण गरेको छ ।

मर्जरपछि लक्ष्मी सनराइज छैटौं र हिमालयन सातौं हुने छन् । तर त्यसपछि आठौं स्थानमा पुग्ने प्रतिक्षामा रहेको प्रभू बैंक हालका लागि भने छैटौं ठूलो हो ।

राष्ट्रिय बाणिज्य, सिद्धार्थ, एनएमबी, कृषि विकास, नेपाल बैंक, एभरेस्ट, प्राइम, सानिमा, सिटिजन्स, माछापुच्छ्रे, नेपाल एसबीआई र स्ट्याण्डर्ड चार्टर्ड त्यसपछिको सिलसिलामा आउने छन् ।

कस्तो छ आकार ?

अहिले धेरै सूचकमा पहिलो भएको ग्लोबल आईएमई हालसम्म २१ वटा संस्था गाभिएर बनेको बैंक हो । यसमध्ये ६ वटा त बाणिज्य बैंक नै गाभिइसकेका छन् । यसले गर्दा ग्लोबलको आफ्नै विस्तार भन्दा पनि मर्जरले आकार ठूलो बनाएको हो । तर अरु संस्थाले पनि मर्जरको इतिहास बोकेका छन् ।

दोस्रो ठूलो बनेको नेपाल इन्भेष्टमेण्ट बैंकमा यसअघि नै एस डेभेलपमेण्ट बैंक, सिटी एक्सप्रेस फाइनान्स र जेबिल्स फाइनान्स गाभिएको थियो । मेगा बैंकले त गण्डकी विकास बैंक, टुरिज्म डेभेलपमेण्ट बैंक र पश्चिमाञ्चल विकास बैंक गाभेको थियो । यी ८ संस्थाको एकीकृत रुपमा अहिले नेपाल इन्भेष्टमेण्ट मेगा बैंक बनेको हो ।

तेस्रो ठूलो नबिल बैंकमा नेपाल बंगलादेश बैंक र युनाइटेड फाइनान्स गाभिएको थियो । चौंथो स्थानमा रहेको कुमारी बैंकमा पनि उस्तै मर्जरको लामो सूची गाँसिएको छ ।

यसअघि नै कुमारीले मात्रै देव विकास बैंक, काष्ठमण्डप डेभेलपमेण्ट बैंक, महाकाली विकास बैंक, पश्चिमाञ्चल फाइनान्स र कांक्रेविहार विकास बैंक गाभेको थियो ।

त्यस्तै एनसीसी बैंकले इन्फ्रास्ट्रक्चर डेभेलपमेण्ट बैंक, एपेक्स डेभेलपमेण्ट बैंक, सुप्रीम डेभेलपमेण्ट बैंक र इण्टरनेशनल डेभेलपमेण्ट बैंक गाभेको थियो । यसरी ११ संस्था मिलेर अहिले कुमारी बैंक बनेको छ ।

प्रभू बैंक पनि उस्तै लामो मर्जर एक्वीजिशन प्रक्रियाबाट आएको हो । प्रभू फाइनान्स कम्पनीमा वैभव फाइनान्स मिसाएर प्रभू विकास बैंक बनेको थियो ।

त्यसमाथि जेनिथ फाइनान्स, गौरीशंकर डेभेलपमेण्ट बैंक, किष्ट विकास बैंक र ग्राण्ड बैंक मिसाइएको थियो ।

उता सेञ्चुरीले अरनिको डेभेलपमेण्ट बैंक, इन्नोभेटिभ डेभेलपमेण्ट बैंक, सगरमाथा फाइनान्स, सेती फाइनान्स र अल्पाइन डेभेलपमेण्ट बैंक मिसाएको थियो । यसरी १२ वटा संस्था मिलेर प्रभू बैंक बनेको छ ।

 

khanepani

मर्जरपछि नेपाल इन्भेष्टमेन्ट मेगा बैंकको खुद नाफा २८.४४ प्रतिशतले बढ्यो

मर्जरपछि नेपाल इन्भेष्टमेन्ट मेगा बैंकको खुद नाफा २८.४४ प्रतिशतले बढ्यो

वि.सं.२०७९ माघ १२ बिहीवार ११:०४

काठमाडौं । साबिकको नेपाल इन्भेष्टमेण्ट बैंक र मेगा बैंकबीच मर्जर...

कुमारी बैंकको ३ लाख ३४ हजार कित्ता सेयर बिक्रीमा

कुमारी बैंकको ३ लाख ३४ हजार कित्ता सेयर बिक्रीमा

वि.सं.२०७९ माघ ११ बुधवार १०:५६

काठमाडौं । कुमारी बैंक लिमिटेडले संस्थापक सेयर बिक्रीमा ल्याएको छ...

गभर्नर अधिकारीको प्रश्न : सरकारी बैंकले मर्जरको आवश्यकता र फाइदा नबुझेको हो कि ?

गभर्नर अधिकारीको प्रश्न : सरकारी बैंकले मर्जरको आवश्यकता र फाइदा नबुझेको हो कि ?

वि.सं.२०७९ माघ ११ बुधवार १०:४१

काठमाडौं । नेपाल राष्ट्र बैंकका गभर्नर महाप्रसाद अधिकारी सरकारी बैंकहरु...

आर्थिक मन्दीको असर बीमा बजारमा

आर्थिक मन्दीको असर बीमा बजारमा

वि.सं.२०७९ माघ ५ बिहीवार १०:३१

काठमाडौं । आर्थिक बर्ष २०२३/ २४ मा ग्लोबल प्रिमियम (विश्वभरको...

स्थापनाको दोश्रो बर्षमै राष्ट्रिय खाद्य बैंक नाफामा

स्थापनाको दोश्रो बर्षमै राष्ट्रिय खाद्य बैंक नाफामा

वि.सं.२०७९ पुस ३० शनिवार २०:२५

काठमाडौं । “पोषिलो आहारको लागि दिगो कृषि उत्पादन, हाम्रो अभियान” भन्ने...

१९.११ प्रतिशत लाभांश पारित गर्दै हिमालयन बैंकको ३०औं वार्षिक साधारण सभा सम्पन्न

१९.११ प्रतिशत लाभांश पारित गर्दै हिमालयन बैंकको ३०औं वार्षिक साधारण सभा सम्पन्न

वि.सं.२०७९ पुस २९ शुक्रवार ०९:४१

काठमाडौं । हिमालयन बैंक लिमिटेडको ३०औं वार्षिक साधारणसभा सम्पन्न भएको...