काठमाडौं । ‘स्मार्ट बनौं, डिजिटल बैंकिङ्ग गरौ’ भन्ने मुल मन्त्रका साथ बैंकिङ्ग सेवाहरुमा डिजिटाइजेसनलाई प्रबर्द्धन गर्दै आएको सनराइज बैंक र लुम्बिनी विकास बैंकबीच पोइन्ट अफ सेल सेवाका लागी सहकार्य भएको छ ।

सनराइज बैंकको केन्द्रिय कार्यालय गैरिधारामा आयोजित एक समारोहबी सनराइज बैंकका नायब महाप्रबन्धक रबिन नेपाल र लुम्बिनी विकास बैंकका नायव प्रमुख कार्यकारी अधिकृत उमेश रेग्मीले सहकार्यको लागी सम्झौतापत्रमा हस्ताक्षर गरेका हुन् ।

योसँगै लुम्बिनी विकास बैंकले कार्ड मार्फत हुने डिजिटल भुक्तानी स्वीकार गर्न आफ्ना ग्राहकलाई पोइन्ट अफ सेल डिभाइस उपलब्ध गराउन सक्नेछ भने सो को लागी प्राबिधिक सेवा तथा कारोबारको सेटलमेन्ट सेवा सनराइज बैंकले प्रदान गर्नेछ ।

सबै क्षेत्र र वर्ग सम्म बैंकिङ्ग सेवाको पहुँच पुर्याउने उद्देश्यले बैंकले २० हजार भन्दा बढि मर्चेन्ट नेटवर्क तथा क्यूआर, १५९ एटिएम, १३९ शाखा, १३ एक्सटेन्सन काउण्टर, ९० वटा शाखारहित बैंकिङ्ग सेवा मार्फत सेवा प्रदान गर्दै आएको छ ।