यी फिचर थप भएर सार्वजनिक भयो एस प्रेसोको एक्स्ट्रा एडिसन (मूल्यसहित)
वि.सं.२०७९ पुस १७ आइतवार
काठमाडौं। मारुती सुजीकीले आफ्नो लोकप्रिय ह्याचव्याक कार एस प्रेसोको नयाँ एडिसन सार्वजनिक गरेको छ ।
कम्पनीको सोसल मिडियामार्फत सार्वजनिक भएको एक्स्ट्रा एडिसनमा नयाँ फिचर थप गरिएको छ ।
यो नयाँ एडिसनमा मारुतीले फ्रन्ट स्किड प्लेट, ग्रिलमा क्रोम गार्निस, ह्विलमा व्ल्याक क्ल्याडिङ, डोर क्ल्याडिङ र इन्टेरियरमा विभिन्न कलरको एसेन्ट थप गरेको हो ।
कारको मेकानिकल पक्षमा भने कुनै परिवर्तन गरिएको छैन । एसयूभी प्रेरित लुक्स भएको एस प्रोसोमा १.० लिटर के सिरिजको पेट्रोल इन्जिन जडान गरिएको छ । जसको अधिकतम पावर ६५ इचपी र टर्क ८९ एनएम रहेको छ । कार ५ स्पिड म्यानुअल र अटोमेटिक ट्रान्समिनमा उपलब्ध छ ।
यो नयाँ एडिसनलाई कम्पनीले छिट्टै लन्च गर्ने तयारी थालेको छ ।
जसको मूल्य हालसम्म सार्वजनिक गरिएको छैन् । भारतीय बजारमा एस प्रेसोलाई ४ लाख २५ हजारदेखी ५ लाख ६५ हजार भारुसम्ममा बिक्री गरिँदै आएको छ ।
नेपाली बजारमा भने यसको भिएक्सआई प्लस भेरियन्टको मूल्य २७ लाख रुपैयाँ निर्धारण गरिएको छ ।
प्रकाशित समय : २२:५१ बजे
