तपाईको सवारी साधनको कर कति छ ? हेर्नुहोस् नयाँ आर्थिक वर्षमा बागमतीमा यस्तो छ करको दर
वि.सं.२०७९ साउन ४ बुधवार
काठमाडौं । नयाँ आर्थिक वर्ष शुरु भएसँगै आफ्नो सवारी साधनको कर तिर्नु पर्छ। सरकारले प्रत्येक आर्थिक वर्षको लागि विभिन्न करका दर निर्धारण गरेको हुन्छ । बागमती प्रदेश सरकारले यो वर्ष पनि सवारी साधनको करमा भएको पुरानै दरलाई निरन्तरता दिएको छ ।
त्यस अनुसार बागमती अञ्चलमा दर्ता भएका सवारी साधनले पहिलेकै दर अनुसारको कर तिर्नु पर्नेछ ।बागमती अञ्चलमा मोटरसाइकल वा स्कुटरका लागि १२५ सीसी सम्म भए ३ हजार रुपैयाँ वार्षिक कर तिर्नु पर्छ । त्यसैगरी १२६ देखि १५० सीसी सम्म ५ हजार, १५१ देखि २२५ सीसी सम्म ६ हजार ५ सय र २२६ देखि ४०० सीसी सम्मकाले ११ हजार कर तिर्नु पर्छ ।
त्यसैगरी ४०१ सीसी देखि ६५० सीसी सम्म २० हजार र ६५१ सीसी भन्दा माथिका मोटरसाइकल वा स्कुटरले ३० हजार कर तिर्नु पर्छ ।
चारपांग्रे सवारी साधनको लागि पनि त्यही अनुसारको दर निर्धारण गरिएको छ । कार, जिप र भ्यानका लागि १००० सीसी सम्मकाले २२ हजार, १००१ देखि १५०० सीसी सम्मका कारले २५ हजार रुपैयाँ कर तिर्नु पर्छ । त्यसैगरी १५०१ देखि २००० सीसी सम्मका कारले २७ हजार, २००१ देखि २५०० सीसी सम्मका कारले ३७ हजार र २५०१ देखि ३००० सीसी सम्मका कारले ५० हजार कर तिर्नु पर्छ ।
त्यसैगरी ३००१ देखि ३५०० सीसी सम्मकाले ६० हजार र ३५०१ सीसी भन्दा माथिका सवारी साधनले ६५ हजार रुपैयाँ वार्षिक कर तिर्नु पर्छ ।
त्यसैगरी विद्युतीय सवारी साधनका लागि फरक प्रकारको करको दर तोकिएको छ । विद्युतीय मोटरसाइकल वा स्कुटर मध्ये ३५० वाट देखि १००० वाट सम्म २ हजार, १००० भन्दा माथि १५०० वाट सम्म २५०० र १५०० वाट भन्दा माथिका सबैले ३ हजार रुपैयाँ कर तिर्नु पर्छ ।
त्यसैगरी विद्युतीय कार, जिप, भ्यान, माइक्रोबस र बस मध्ये १० किलोवाट भन्दा माथि ५० किलोवाट सम्म ५ हजार, ५० किलोवाट भन्दा माथि १२५ किलोवाट सम्म १५ हजार, १२५ किलोवाट भन्दा माथि २०० किलोवाट सम्म २० हजार र २०० किलोवाट भन्दा माथि सबैले ३० हजार रुपैयाँ तिर्नु पर्छ ।विद्युतीय सवारीको करमा हाल २० प्रतिशत छुटको समेत व्यवस्था गरिएको छ । यो समाचार स्मार्ट सर्भिस इनको सहकार्यमा तयार पारिएको हो।
प्रकाशित समय : १८:४८ बजे