काठमाडौं । रिलायबल नेपाल लाइफ इन्स्योरेन्सको चालु आर्थिक वर्षको पहिलो त्रैमासमा खुद बीमाशुल्क ७०.०१ प्रतिशत ९२ करोड ८९ लाख १७ हजार रुपैयाँ आर्जन गरेको छ । गत आर्थिक बर्षको सोही अवधिमा कम्पनीले ५४ करोड ६३ लाख ९१ हजार रुपैयाँ खुद बीमाशुल्क आर्जन गरेको थियो ।

समिक्षा अवधिसम्ममा कम्पनीको खुद नाफा १३.१० प्रतिशत बढेर ७ करोड ४५ लाख ३४ हजार रुपैयाँ आर्जन गरेको छ । गत आर्थिक बर्षको सोही अवधिमा कम्पनीले ६ करोड ५९ लाख ३ हजार रुपैयाँ खुद नाफा आर्जन गरेको थियो ।
असोज मसान्तसम्ममा कम्पनीको चुक्ता पूँजी १ अर्ब ४० करोड रुपैयाँ, जगेडा कोष ३०.१८ प्रतिशत बढेर ९१ करोड ६ लाख २२ हजार रुपैयाँ, जीवन बीमा कोष १००.२४ प्रतिशत बढेर ३ अर्ब ३ करोड ४१ लाख ३२ हजार रुपैयाँ र महाविपत्ती कोष ३६।७३ प्रतिशत बढेर ८ करोड ७३ लाख १६ हजार रुपैयाँ रहेको छ ।

समिक्षा अवधिमा कम्पनीको प्रतिशेयर आम्दानी १८ रुपैयाँ ५३ पैसा रहेकोमा बढेर २१ रुपैयाँ ३ पैसा पुगेको छ । कम्पनीको प्रतिशेयर नेटवर्थ १७१ रुपैयाँ २८ पैसा रहेको छ ।

यस अवधिमा कम्पनीको खुद दाबी भुक्तानी २४.३७ प्रतिशत बढेर २३ करोड ८१ लाख ९६ हजार रुपैयाँ गरेको छ । गत आर्थिक वर्षको सोही अवधिमा कम्पनीले १९ करोड १५ लाख २९ हजार रुपैयाँ खुद दाबी भुक्तानी गरेको थियो ।